Director di Stichting Monumenten Fonds Aruba Sra. Anne Witsenburg tin 11 aña cu e la yega Aruba y 11 aña ta fungi como director di Stichting Monumenten Fonds. Durante di e añanan tabatin desaroyonan positivo, for di momento cu a fungi e posicion como director Stichting Monumenten Fonds Aruba tabatin seis monumento y awo ya caba ta papia di 17 monumentonan cu ta forma y protegi bao di e fundacion. E pasonan ta canando den bon direccion.
Actualmente ta enfoca riba e mantencion di monumento cu ta esencial na momento cu restaura un edificio y ta keda bunita net despues di e restauracion, pero importante den e proceso aki ta e despues di restaura cu e mantencion tambe mester keda tuma luga. Hopi di nos ta considera e monumentonan grandi manera un California Lighthouse of un stadhuis como un monumento. Sinembargo loke cu ta un realidad y cu hopi di nos no ta tene cuenta cu ne y no ta consciente cu cas di bo wela of cas di tanchi tambe ta un monumento.
Segun director di Stichting Monumenten Fonds Aruba Sra. Anne Witsenburg e diferencia den esakinan ta cu na momento cu e monumento tin importancia pa Aruba completo e ta bira un monumento cu por proteha. Pero na mes momento cu un edificio por tin balor pa e famia, bario, pero na momento cu e tin balor pa nos tur e ta bira un monumento cu Stichting Monumenten Fonds Aruba por proteha y percura pa e keda pa semper.
Segun director di Stichting Monumenten Fonds Aruba Sra. Anne Witsenburg hopi hende ta kere cu tur e edificionan bieu ta monumento, pero esey no ta e caso, pero tampoco no ta asina cu kier preserva tur cos cu ta bieu. Loke cu ta importante pa Stichting Monumenten Fonds Aruba y pa Aruba ta esunnan cu ta keda protegi.
Cas nan di cunucu ta importante pa Aruba paso nan ta casnan tipico di Aruba y Stichting Monumenten Fonds Aruba tin bista riba nan. Tambe ultimo a caba di restaura botica Aruba den steenweg cu a ricibi dos huurdo nobo unda cu parti abao tin restaurant y parti ariba a keda gehuur como un studio cu ta entrepreneursnan hoben cu a cuminsa haci uzo di e monumentonan cu a caba di wordo restaura.
Tambe a entrega e edificio di scol 1888 un edificio cu trabaonan di mantencion a keda cla y e edificio a keda entrega na algemenerekenkamer. Den e trabaonan di mantencion a haci un test cu e materialnan di antes. Den e proceso no a pone cement y tampoco pleister, pero a haci uzo di e operacion y producto di calki y asina lo bay evalua con hopi e ta wanta compara cu e cement pa asina por drecha na tur e otronan cu tambe mester di mantencion.
Actualmente ta preparando riba mantencion di huisjewilt , otro aña lo haci mantencion riba Nicolaas Store y California Lichthouse. Tur e edificionan aki lo ricibi nan mantencion cu ta hopi importante pa nan keda atractivo pa huurdonan y turistanan bishita.
Click aki bao like y share
1 comment
[…] Source link […]