Rousanne de Weever ta presidente nobo di Stichting Monumentenfonds Aruba (SMFA), actualmente e tin algun siman den e funcion y ta sumamente contento cu e reto nobo aki. Na momento cu e la mira e oportunidad pa por solicita a haci esaki mirando cu e ta gusta monumento y tambe a biba hopi aña na Curaçao unda cu monumentonan aya ta hopi importante pa e identidad di e pais y esaki sigur ta yena su curason. Den su bida e la comparti momentonan y beyesanan di casnan di cunucu, hasta por bisa cu por a mira lesnan cu a keda duna bao di e arkitectura aki cu ta trece un otro ambiente di bida.
Na Aruba tambe tin casnan cu nan estilo bieu cu tabata keda renoba y nan ta hopi bunita. Di e manera aki cu e pasion y e amor cu tin pa monumentonan y cas nan antiguo Sra. Rousanne de Weever kier a duna di su parti pa contribui pa conserva te na unda cu por, tipo di monumentonan cu tin na Aruba, pero alabes como un hende hoben cu kier duna bek na comunidad di Aruba.
Lo trata di traha mas den educa y conscientisa comunidad riba e importancia di monumento pa asina e comunidad mes hunga un rol y ta activo den e parti aki. Ta importante pa sa cu e monumentonan no mester ta solamente cu e pensamento cu nan ta keda renoba, pero cu e ta sostenibel tambe unda cu personanan por haci uzo di nan y por huur nan y crea luganan bunita y autentico cu ta di nos.
Rousanne de Weever ta sumamente contento na su yegada e la haya un bunita bon bini y na mes momento ya caba ta activo y a haci entrega di un monumento renoba cu ta algemenerekenkamer awe, pero cu tabata un scol anterior di 1888. Segun Presidente di Stichting Monumentenfonds Aruba Rousanne de Weever ta hopi bunita di experencia y di mira e cambio di e edificio unda cu ta un luga cu antes e muchanan tabata haya scol pa prome biaha. E ta hopi bunita pa scucha e historia y pa mira e cambionan cu a tuma luga.
Tambe Rousanne de Weever a traha den sector di turismo pa casi 6 aña y ta mira cu e turistanan ta bin Aruba paso nan kier pasa un experiencia di Aruba y hopi biaha ta expresa cu nan kier un restaurant pa nan bay come algo local y esey ta haci hopi falta na Aruba. Mes un situacion ta pasa cu monumentonan unda cu e turista ta busca e sentimento Arubano den e pais y na unda cu tin cuminda nan autentico y cu nan por bisa cu na momento cu nan ta na Aruba cu nan a gosa di cultura di Aruba. Ta kere ta hopi importante cu Aruba pone enfasis den e parti aki paso un turista no ta bin Aruba pa bin como un fastfood cu nan ta haya na nan luga caba. Nos mes mester por crea nos propio identidad y laga e turista pasa un experiencia unico di kico ta nos cultura y cuminda di aki. Nos tur mester ta orguyoso di nos identidad.
Click aki bao like y share
1 comment
[…] Source link […]