Lo mester trece un balans y yega na un consenso den veld di enseñansa di kico ta bira e maneho di idioma

Hopi ta wordo vocifera cu enseñansa ta bao di diferente presion y cu docentenan no ta contento. Prome minister Evelyn Wever Croes ta duna di conoce cu e cartera di enseñansa ta un poco diferente cu e otro areanan di departamentonan di gobierno.  Un simpel reorganisacion di enseñansa lo no duna un contesta di tur e preocupacionnan cu tin.

Si mester mira enseñansa den e parti organisatorio cu ta loke cu DHR ta haci por bisa cu ta DPS tin , dus no tin hopi departamento cu gobierno ta encarga cu esaki, pero si tin diferente schoolbestuurders cu ta un area hopi grandi.

Pa loke ta trata e idioma den enseñansa ta retonan cu ta conoci y ta preocupacionnan cu ta conoci unda cu minister di enseñansa Endy Croes ta trahando riba nan y den cuadro di e landspakket a identifica 13 cambio y puntonan di salida cu mester wordo traha riba nan y casualmente e maneho di idioma ta esun na e momentonan aki cu tin prioridad.

Segun prome minister e no ta kere cu minister Endy Croes ta esun cu lo a vocifera cu lo tuma e idioma Hulandes y no papiamento, pero minister Endy Croes tin e tarea di maneha e cartera pero e ta scucha di su expertonan cu ta yuda e mandatario.

Segun prome minister Evelyn Wever Croes su persona a mira e resultado di e scolnan piloto cu a hinca papiamento como idioma di instruccion, e resultadonan ta hopi interesante debi cu e hobennan cu a haya papiamento desde chikito na momento cu nan bay scolnan secundario caminda ta stroom in unda cu e muchanan ta haya les na Hulandes como idioma di instruccion den nan materia, nan ta score bon.

Segun prome minister Evelyn Wever Croes e proyectonan piloto a duna resultado y cu esaki ta den man minister Endy Croes ta trahando e maneho di idioma.

Sinembargo prome minister Evelyn Wever Croes ta duna di conoce cu na momento cu minister Rudy Lampe kier a introduci papiamento na tur scol gobierno a haya un avalancha di critica di scolnan y mayornan unda cu tin scolnan cu kier a keda cu Hulandes como e idioma di instruccion.

Sinembargo teniendo cuenta riba e balance aki e minister di enseñansa mester yega na un consenso den veld di kico ta bira e maneho di idioma.

Click aki bao like y share