Un persona narcista tin un problema mental y mester di ayudo

Tin diferente casonan di salud mental, un persona narcista tambe ta bataya cu problema mental. Segun profesional Rubiella Toppenberg un persona cu ta narcista tin un enfermedad mental y e ta cay bao di e otro gruponan di malesanan mental.

Un persona cu no ta narcista no ta presiona hende y un hende cu ta narcista e mes tin problema y e ta un problema di salud mental cu ta pone cu e persona ta actua asina. Sintomanan di un narcista ta un persona cu ta hopi inpolsivo, nan kier hopi atencion pa nan, su ego ta hopi halto, manera di actua y kere cu loke e bisa asina mester pasa. Narcista ta bin hopi den hende homber, pero no ta kita cu e no ta bin dilanti den hende muhe, pero e ta un malesa mental cu ta pasa comun den hende homber.

Sintomanan di narcista ta personanan cu ta sinti cu nan kier e poder di manda of comanda. Un persona cu ta biba cu un otro persona cu ta narcista e persona tambe por desaroya un problema cu salud mental. Esaki ta debi cu e persona cu ta biba cu un narcista ta un persona hopi biaha cu ta sintie menos y ta sinti miedo di papia cu e persona y hopi biaha door di menasa of door di cierto situacionnan cu e narcista haci ta haya miedo di bisa un otro pa e no bira un problema.

Hopi biaha e problemanan aki ta bin den problemanan reacional y ta mira e sintomanan di abuso mental cu e narcista ta haci riba e otro persona. Hopi biaha afo tin e pensamento dicon e persona ta keda wanta tanto bati, golpi of insulto y abuso pa tanto tempo, pero e realidad ta cu hopi di nos no ta para keto na e menasa nan cu e tabatin, e forsa pa lucha contra di e persona narcista.

E persona narcista ta percura pa e tin hopi poder riba e hende y cu ta pone cu e otro hende ya no tin forsa y e tin hopi miedo pa busca ayudo y asina e tambe e ta drenta den un situacion dificil y ta drenta den un face di depresion cu tambe ta un problema di salud mental unda cu e persona ta biba spanta y cu miedo pa sa kico hende ta pensa di kico e bisiñanan lo bay bisa of otro hende den comunidad.

Tin hopi sintoma cu un persona narcista por afecta un otro hende. Sinembargo esaki no solamente por ta e casa di e narcista, pero tambe por ta e yiunan cu ta biba den cas cu ta mira y biba e trauma cada biaha. Pero tambe cualkier otro hende cu e persona narcista ta atende cu ne.

Click aki bao like y share