Local

FLP a conmemora Abolicion di Sclavitud den un sala yen na Centro di Bario Playa Pabou

Funacion Lanta Papiamento

Anochi di FLP tabata fructifero:

Tin un necesidad grandi pa haya informacion tocante sclavitud y enseñansa

Bispo di Conmemoracion di Abolicion di Sclavitud, diabierna dia 30 di juni ultimo, Fundacion Lanta Papiamento (FLP) a tene un anochi di informacion y discusion tocante sclavitud y enseñansa. Tabata un anochi exitoso cu sala yen.

Ramon Todd Dandaré Mag. Ling. a tene un introduccion tocante desaroyo di Papiamento, di tempo di sclavitud te awe.

Dr. Joyce Pereira a papia tocante e influencia di colonisacion y sclavitud riba nos pueblo via enseñansa cu te ainda por sinti den tur forma. E publico presente tabata masha interesa y a participa activamente cu pregunta, idea y preocupacion. Claro cu den dos ora no por a trece tur cos dilanti, p’esey FLP a priminti

di organisa pronto mas anochi cu e topiconan aki.

Tabatin declamacion di poesia di parti di miembro di directiva Evelyn Ruiz-Croes,  Rubia Bernabela y Ramon Todd Dandaré.

FLP ta gradici esnan cu tabata presente, directiva di Centro di Bario Playa Pabou y tambe Adoncito Croes cu a yuda boluntariamente e anochi aki. FLP t’ey pa informa y conscientisa, pasobra Papiamento ta nos idioma, nos derecho!

 

Related posts

Personanan cu a drenta Aruba di un manera ilegal definitivamente no lo wordo brinda permiso di trabao

EA News Author

Te ainda no tin un fecha di eleccion stipula na Venezuela

EA News Author

Prome siman di test planta RECIP IV a resulta exitoso

EA News Author

1 comment

Leave a Comment

Whatsapp Message