Presidente di AVB Randolf Lacle: Na AVB tin un Open Policy pa tur club

Den e ultimo dianan aki Arubaanse Voetbal Bond no ta mucho den luz positivo. Diferente opinion publico a drenta na nos mesa di redaccion y na unda cu EA news a haci un bishita cerca presidente di AVB Randolf Lacle pa por duna su banda di medaya riba tur e preocupacionnan cu tin na diferente clubnan y den AVB mes.

Segun presidente di AVB nos tur sa cu den e posicion aki tin hopi hende rabia tur ora cu kisas nan a pidi algo y nan no a haya pago of algo otro, segun presidente di AVB esey ta pone cu hende ta bira negativo y ta purba di haci di un manera duna AVB un mal nomber. Segun presidente di AVB e puntonan cu tabatin den e opinion publico ta puntonan interesante cu a bin padilanti y ta habri pa discuti riba e puntonan di preocupacion cu tin. Na mes momento ta contento riba e punto di integridad cu a keda treci padilanti riba e parti di statuto cual cu ta hopi importante.

Segun presidente di AVB Randolf Lacle locual cu ta pasa na Aruba y den AVB no tin Ethical code ainda, esaki e presidente ta kere cu ta hopi importante y ta un tema cu ta papiando cu varios persona riba kico ta etica como dirigente y lo ta hopi contento si por tin e discusion ey debi cu ta spera di ta un punto cu AVB por tin den futuro, pero pa logra esaki lo mester haci cambio den e statutonan. Segun presidente di AVB ya caba a traha riba dje y cu e version nobo ta casi cla unda cu lo mester haci un adaptacion mas pa asina full e statuto nobo ta cla.

E topiconan ta bon , pero ta kere cu na e manera cu kier trece padilanti no ta corecto den punto di bista di presidente di AVB. Na AVB tin un Open Policy pa tur club, un di e prome cosnan cu a keda haci ta kita e lock nan for di e portanan pa asina cada biaha cu un club kier papia AVB ta habri cu nan y na mes momento tambe AVB tin bon contacto cu club nan constantemente unda cu nan ta bin oficina of ta reuni na e club nan mes. Tin biaha ta bishita pa asina scucha e club nan di kico ta nan necesidadnan y un di e kehonan sigur tabata cu e parti financiero berdad ta slow y cu ta na altura cu mester haci cambio riba dje.

Segun presidente di AVB Randolf Lacle aña pasa a trata di haci cambio den e administracion y a stress hopi pa cumpli cu e club nan principalmente pa nan pago di COVID relief pa asina nan por ricibi nan pago sin ningun problema, y esaki a cana bon unda cu a yuda tur e clubnan.

Click aki bao like y share

https://youtu.be/cUvS–6YHkE