E prome “Financial Consulting firm” estilo boutique na Aruba

Edsel Lopez y Herbert van Elferen a lansa PFK Aruba

Dia 3 di juli ultimo a funda e oficina di PKF Aruba oficialmente na Aruba. PKF ta un compania mundialmente reconoci ariba e tereno di Consultancy, Audit, Tax I Accounting. Dos accountant confiabel y respeta na Aruba y den Caribe Hulandes, esta drs. Ing. Edsel Lopez RA y drs. Herbert van Elferen RA CIA ta tras di e nomber aki mundialmente reconoci.

“Siman pasa nos a lansa un oficina nobo di PKF na Aruba. E ta un compania estilo boutique, chikito, pero cu ideanan moderno, creativo y innovativo. Nos kier brinda un servicio di tur tipo di financial consultancy pa e mercado di Aruba. Nos ta bon conoci den mundo di Audit, Accounting, Tax y Consultancy, pero den PKF Aruba nos lo enfoca mas riba e area di Consultancy” asina Edsel Lopez a anuncia cu un orguyo riba su cara. 

A funda e oficina di PKF Aruba aki hunto cu e meta pa inverti, desaroya, yuda e futuro generacion di profesional local crece y principalmente pa comparti nan experiencia y   conocemento cu nan clientenan. E comienso nobo aki hunto ta un bon ehempel di tin pasenshi, determinacion, lealtad, perseverancia, trabou duro y dedicacionan na cliente y na e comunidad local. PFK t’ey pa yuda tur persona agrega un balor adicional na nan negoshi, logra nan meta y bira e miho den nan tereno, cu un calidad di trabou riba nivel halto manera semper nan a sa di brinda nan clientela.

“Nos ta hopi emociona pa tin PKF Aruba entre nos y nos ta mira futuro cu wowonan masha positivo riba con grandi e famia aki lo crece”, asina Cheryl Burke, Regional North America Coordinator y alabes Partner den PKF USA, a duna di conoce durante su reunion aki na Aruba. E organisacion ta conoci pa ta un lider den e industria di turismo y ta representa mayoria hotel di marcanan renombra. Como tal, PKF conoce Aruba caba di hopi aña pero desde siman pasa, awo tin un oficina oficial riba nos isla.  

“Wel, pa hopi aña caba mi ta trahando den e industria di accountancy, di cual mayoria di e añanan ta aki na Aruba, awo ta momento pa hunto cu mi socio Edsel Lopez, nos cuminsa cu algo nobo pa brinda servicio personalisa y comparti nos experiencia cu e sociedad di Aruba.   Nos asset mas grandi ta nos experiencia, cu awo nos ta pone na disposicion di nos clientenan”, asina Herbert van Elferen a subraya.

Kico PKF tin pa ofrece

E nivel di mas halto di servicio y experiencia tecnico di experto local y di rond mundo. E oficinanan di miembronan di PKF International tin un reputacion di excelencia den tur area di impuesto, advisory, auditoria y solucion comercial.

Hunto ta compronde retonan cu e cliente ta enfrenta y e importancia di tuma decision firme y cu un enfoke flexibel den un ambiente compleho. Nan ta yuda bo haya solucion adecua di un forma rapido y sigur. Na PKF nan sa cu cada negoshi ta diferente. Ta pa e motibo ey mes ta adapta nan servicio pa satisface e necesidadnan specifico di cada cliente.

E servicionan di PFK Aruba ta encera entre otro “Corporate finance services”, “Financial advisory services”, “Accounting advisory services”, “ISQM1 and ISQM2 related services”, “Business Advisory services” y tambe “Interim management services”.

Tocante Edsel Lopez

Edsel N. Lopez ta un persona respeta y conoci na Aruba. E tin un historia exitoso di hopi aña di experiencia den assurance and advisory business door di traha cu cuater di esunnan di mas grandi di Hulanda y Caribe Hulandes. E ta conta cu un bachelor’s degree den “Information Technology and Economics” di e Universidad di Eindhoven, Hulanda y e tin un master’s degree den “Administrative Information Science” cu el a obtene for di Tilburg University na Hulanda. E ta un Dutch licensed certified public auditor (RA) y a traha pa PricewaterhouseCoopers (PwC) na Hulanda y Caribe Hulandes. El a bira e promer partner Arubiano den e oficina di accountant PwC di Caribe Hulandes na aña 2001. Den e funcion aki el a fungi tambe como territory senior partner pa PwC den Caribe Hulandes. E tabata involucra den diferente proyecto den e sectornan grandi, tanto di gobierno como priva. Su experiencia specifico ta den e areanan di: mercado industrial, turismo, horeca, banco, seguro, telecomunicacion, comercio, empresa grandi y chikito, gubernamental y semi-gubernamental.

Tocante Herbert van Elferen

Herbert van Elferen ta un accountant certifica. E ta confiabel, pasiona y ta un profesional comprometi den Caribe Hulandes. El a start su carera profesional na aña 1996, brindando servicio excepcional y cu resultado di calidad halto, pa un variedad di organisacionnan cu ta opera den varios industria. E ta conta cu riba 25 aña di experiencia den e negoshi, cerando buki y liderando assurance and advisory   na comercio local.

Tocante PKF

PKF, cu antes tabata yama “ Pannell Kerr Forster” ta un red di agencianan global di accountancy. E ta conta cu no menos di 215 miembro independiente cu ta opera bou di e marca PKF den 151 pais parti den cinco diferente region. Hunto nan ta conta cu 20.000 professional y awendia e ta   postula na posicion number # 14 di e miho red di accountantnan na mundo.

A funda PKF na aña 1969, ora cu cuater oficina di accountant di Australia, Canada, Inglatera y Merca a uni pa crea un asociacion internacional. Na aña 1980 e miembronan a dicidi pa uza   “ Pannell Kerr Forster” como   nan marca comhun. Na aña 2000 a dicidi pa, en bes di uza e nomber completo, pa uza e abreviacion, esta PKF.  

Pa mas informacion por tuma contacto cu PKF Aruba na +297 6990990 of via email ruthmila.steward@pkf-aruba.com