Durante e konferensia di prensa di 29 di yüni na e sitio di konstrukshon na Hato a firma e akuerdo. E akuerdo ta bai tokante konstrukshon aselerá di bibienda pagabel na vários sitio bou di kua na Hato komo tambe un akuerdo pa kombatí pobresa di energia. Diputadonan Hennyson Thielman (Konstrukshon di Bibienda, Ordenamentu di Espasio) i James Kroon (Bibienda Sosial i FCB) a firma e akuerdo huntu ku señor B.O. Oleana di Fundashon Cas Bonairiano, señora Joanne Balentien-Nicastia di WEB Boneiru i ku Minister Hugo de Jonge di Bibienda i Ordenamentu di Espasio.
Huntu ku Kolegio Ehekutivo, e minister a anunsiá di ki manera e añanan ku ta bini ta duna kontenido na e tarea di konstrukshon di bibienda pagabel, yamá tambe ‘dil di bibienda’. Asina riba término korto tin mas bibienda pagabel na Boneiru pa diferente grupo .di enfoke manera hende hóben, hende grandi i pa biba bou di guia pa gruponan vulnerabel di enfoke. E dil di bibienda ta parti di desaroyo di área i ta un di e prioridatnan di Entidat Públiko Boneiru pa e 4 añanan benidero.
Ademas a papia tokante Programa di Desaroyo di Espasio CN (ROP CN) i Plan di Desaroyo di Espasio Boneiru (ROP Bonaire). Posibilidatnan relashoná ku un desishon di bienestar pa Boneiru asina por salbaguardiá aspektonan karakterístiko relashoná ku naturalesa i kultura.
Konkretamente a hasi palabrashon tokante término di entrega, trayekto di kontinuashon i momentu di prolongashon di e desishon di preparashon pa yega na stipulashon di ROP CN i ROP Bonaire.