Accidente pisa na Pavia a hiba morto di un hoben mama di tres yiu homber Adelizah Lizah Vrolijk

Diadomingo madruga a tuma luga un accidente frontal na Pavia, ta trata aki di un Tercel y un Honda SUV cu a dal frontal den otro, consecuencia di esaki ta cu ambos chauffeur a keda transporta cu urgencia pa Hospital pa asina nan haya yudansa medico mas avansa. Den e Tercel tabatin un hoben di 37 anja cu a bay hopi grave hospital y su situacion a sigui critico te dia di awe. Famianan ta na hospital den oranan di mainta y dokter ya caba a avisa famia cu e no lo alcansa pa su recuperacion mirando cu e hoben mama di tres yiu homber a haya hopi sla na cabes y tabata for di tino y cu su celebro a haya hopi daño. Pa 5 di juli 2023 Adelizah Lizah Vrolijk a fayece a consecuencia di e sla nan cu e la ricibi na su cabes unda cu e no ta ricibiendo oxigeno den su celebro y esaki a consecuencia cu poco poco e otro organonan ta cuminsa stop di traha. Un situacion sigur hopi tristo di un mama Hoben ta lagando tres yiu homber atras.

Adelizah Lizah Vrolijk ta conoci den mundo di media e la traha pa hopi anja den layout di redaccion di corant Awe Mainta y ultimo aki Lizah ta traha na Do it Center, pero na mes momento su tata Leo Vrolijk no ta un persona desconoci den mundo di media a traha pa hopi aña na Telearuba y su ruman homber Andrew Vrolijk cu ta presentador di TeleAruba y su otro ruman homber Jermey Vrolijk cu tambe ta camaraman di Telearuba pa basta aña. Mundo di Prensa na Aruba ta di luto. Lizah ta conoci den e area aki y semper a keda cu un laso y amistadnan den mundo di media. Tambe Lizah tabata forma parti di Rode Kruis y tabata gusta yuda hende.
EA News ta manda palabra di Forsa na henter famia y coleganany tur esnan cu conoce Lizah di serca.