E aña aki nos lo celebra Dia di Emansipashon pa di tres biaha riba Saba. Ta 160 aña kaba ku sklabitut a ser aboli den e kolonianan Hulandes. Hopi di nos sa di e selebrashon di Dia di Emansipashon rònt e region i ta ku esaki den mente ku nos a disidí di selebrá e dia historiko aki riba Saba. Nos no mester lubida nunca e historia di nos isla y sa cu libertad no ta gratis, pero cu e ta wordo paga pa esnan cu a bin prome cu nos.
Aunke ta imposibel pa nos pordoná e sklabitut i e impakto ku e tabatin riba nos antepasadonan, nos por reflehá riba e progreso ku nos a mira na Saba. P’esei, laga nos wak kon leu Saba a avansa, kaminda nos tur por biba riba e isla bunita aki, e Reina intacta, ku oportunidatnan igual sin importá koló.
Sklabitut pa algun hende por parse un kos di pasado, pero e no ta asina pasobra hende ainda ta ser mantené den sklabitut di diferente manera den e tempu presente, pa pobresa, guera incesante, i maltrato di esnan ku no por lucha bèk. Nos mester keda informá di e problemanan ku hopi hende ta enfrentá, asta si nan ta parse hopi leu.
Laga nos yega na e okashon pa komemorá e evento aki ku lo a sera un kapítulo hopi doloroso den nos pasá ku hopi antepasado di Saban a soportá bou di e sistema di sklabitut. Mientras nos ta comemora e dia aki den historia, mi kier basa mi mes riba e sabiduria di Karl Marx: “Tur emancipacion ta e restauracion di e mundo humano y di relacionnan humano cu hende mes”.
Feliz Dia di Emansipashon!
Miembro di Konseho di Isla Rolando Wilson
1 comment
[…] Source link […]