Kresementu di forsa di kompra na Hulanda Karibense na 2021 ménos fuerte

E forsa di kompra na Hulanda Karibense a subi atrobe na 2021, pero ménos fuerte ku na 2020. Na Boneiru, e poblashon a bai dilanti  ku 1.1 porshento kompará ku 2020, na Sint Eustatius esaki tabata 0.5 porshento i na Saba 0.1 porshento. Den kaso di persona den kas di famia ku yu i hende ku ta traha, e forsa di kompra a subi mas fuerte. CBS ta informá tokante esaki a base di su sifranan nobo.

Pa mehorá e seguridat di sobrebibensia na Hulanda Karibense, for di 2019 ta tuma pasonan struktural pa oumentá e salarionan mínimo i e benefisionan sosial, i asina mehorá e forsa di kompra.  Na 2021, e supsidio pa mucha a keda oumentá. E medidanan di ayudo pa corona, ku tabata kompensá pèrdida di entrada di empleado i persona independiente, tabata ainda na vigor. No a adaptá e benefisionan sosial i salario mínimo  na e deflashon di 2020. E oumento di e nivel medio di preis na 2021 na Boneiru i Saba a influensiá e forsa di kompra. Na Sint Eustatius, e nivel di preis a baha un tiki, loke tabata tin un efekto positivo riba e forsa di kompra. 

Mehorashon di forsa di kompra pa trahadó

E forsa di kompra promedio di personanan den kas di famia ku yu ku a mehorá riba tur tres isla. Na Boneiru, e forsa di kompra a subi ku 1,7 porshento pa e grupo aki, esaki tabata e oumento di mas haltu. Un kambio di e promedio di forsa di kompra di 1.7 porshento ta enserá ku pa mitar di e personanan nan forsa di kompra a oumentá ku 1.7 porshento o mas i e otro mitar ménos. 

Pa esun ku ta haña un benefisio sosial na Boneiru i Saba, e forsa di kompra a baha, dor ku no a adaptá e benefisionan sosial na e inflashon.

Mas forsa di kompra pa kas di famia ku yu

Riba e tres islanan, e forsa di kompra a mehorá den promedio pa personanan den kas di famia ku yu. Na Boneiru, e forsa di kompra a eksperensiá e subida di mas haltu den kaso di famianan ku un solo mayor (+3,1 porshento). E forsa di kompra na Saba a krese mas tantu den kaso di parehanan ku yu (+2,5 porshento). Na Sint Eustatius, tambe personanan den kas di famia sin yu a benefisiá di un forsa di kompra mehorá.

Mehorashon di forsa di kompra pa entradanan mas abou na Sint Eustatius

Den e grupo di entrada mas abou na Sint Eustatius, e forsa di kompra a subi ku 0,9 porshento, esaki tabata e subida mas haltu den tur grupo di entrada; dos tersera parti di e personanan a mira nan forsa di kompra mehorá, prinsipalmente pa motibu di deflashon i supsidio pa mucha oumentá. Na Boneiru e promedio di forsa di kompra a mehorá hustamente mas tantu pa personanan den kasnan ku e entradanan mas haltu, respektivamente ku 2.7 porshento. 

Mehorashon di supsistensia

Anualmente ta adaptá e salario mínimo i e benefisionan sosial Ònderstant, AOV i AWW a base di e índise di preis pa konsumidó pa e di tres kuartal di e aña anterior. Den e di tres kuartal di 2020, e desaroyo di preis tabata -4,8 porshento pa Boneiru, -3,3 porshento pa Sint Eustatius i -1,6 porshento pa Saba. E índise negativo di preis ta resultado di e subsidionan ku e gobièrnu a duna dia 1 di mei 2020 riba koriente, awa i internet. E tarifanan fiho di uso pa koriente i awa dor di esei a bira sero, i riba konekshonnan fiho di internet tabatin un deskuento mensual di 25 dòler na 2020.  Esaki ta nifiká ku tabatin deflashon.  Pa e motibu aki, e Ministerio di Asuntunan Sosial i Empleo (SZW) a disidí pa no indeksá e salarionan mínimo i e benefisionan pa 2021. 

A oumentá e supsidio pa mucha ku 2,4 porshento komo resultado di fondo ku a bira disponibel for di e oumento di e presupuesto relashoná ku mucha pa e di tres yu na Hulanda Oropeo. Dor ku no tin presupuesto relashoná ku mucha na Hulanda Karibense, a oumentá e supsidio pa mucha. E supsidio pa mucha, inkluyendo e oumento, awor ta 85 dòler pa luna pa kada mucha na Boneiru i respektivamente 87 dòler i 86 dòler pa Sint Eustatius i Saba. 

Desaroyo di forsa di kompra

E desaroyo di forsa di kompra di un persona ta ser kalkulá komo e kambio den porsentahe di aña pa aña di e entrada standarisá di famianan ahustá pa e kambio di preis. Ta kalifiká e kambionan den porsentahe aki di abou pa mas altu i e balor medio – òf e balor promedio di e balor medio – despues ekspresá den e kambio di forsa di kompra di e sup-populashon relevante. E forsa di kompra (dinámiko) por kambia pa di vários motibu. Por ehèmpel, entrada ta kambia dor di un oumento di salario, promoshon, aseptá (otro) trabou i baha ku penshon. Tambe kambionan den e komposishon di e kas/famia (un yu ta bai foi kas, parehanan ta separá) ta kondusí na un kambio

Personanan den kas di famia ku un proveedor prinsipal di entrada te ku 40 aña a mira nan poder di kompra oumentá mas tantu riba tur tres isla. E forsa di kompra na Boneiru a oumentá ku 2.7 porshento serka nan, 2.5 porshento na Sint Eustatius i 2.4 na Saba. E mayoria di e proveedornan prinsipal di entrada den kasnan di famia aki ta traha i normalmente ainda ta den e fase di konstrukshon di nan karera. Nan entrada ta oumentá dor di eksperensia di trabou i dor ku nan ta optené trabou ku ta paga mihó. 

den entrada. Ta tene tur e kambionan aki na kuenta den e desaroyo dinámiko di e forsa di kompra.

Ta kalkulá e forsa di kompra pa 2021 kompará ku e mesun grupo di personanan na 2020.

Medidanan di sosten pa motibu di corona

E gabinete, durante e pandemia di corona na 2020, a introdusí un reglamento di supsidio pa gastunan di salario (dunadonan di trabou) i pèrdida di entrada (trahadónan independiente) pa limitá e konsekuensianan finansiero di e krísis di corona mas tantu ku ta posibel. E reglamento aki tabata na vigor for di 2020 te ku 2022.

Gruponan di Entrada

E promedio di entrada disponibel standarisá pa kas/famia, pa kada persona, ta ser kalkulá basa riba e añanan 2020 i 2021. E klasifikashon di e gruponan di entrada ta basa riba e promedionan basa riba añanan 2020 i 2021. Di a manera aki ta hasi un korekshon pa yega na e promedio.

Ta determiná e gruponan di entrada pa kada isla.