Proyecto “𝐓𝐮𝐫𝐧𝐢𝐧𝐠 𝐭𝐡𝐞 𝐓𝐢𝐝𝐞” dedica na restauracion di coral y mangelnan na Aruba pa un periodo di 15 luna a cuminsa

Fundacion Parke Nacional Aruba (FPNA) den colaboracion cu Wageningen University & Research,ScubbleBubbles Foundation y Universidad di Aruba den maart a anuncia e comienso di e proyecto yama “𝐓𝐮𝐫𝐧𝐢𝐧𝐠 𝐭𝐡𝐞 𝐓𝐢𝐝𝐞” esaki  ta un proyecto dedica na restauracion di koraal y mangelnan na Aruba pa un periodo di 15 luna.

Trabou di restauracion a cuminsa na 𝐑𝐨𝐨𝐢 𝐋𝐚𝐦𝐨𝐞𝐧𝐜𝐡𝐢 unda cu a cuminsa coba buraco “silt traps’ cu lo gara lodo of sedimentonan causa door di erosion di tera. Erosion di tera ta pasa ora cu ta rosa terenonan y ta kita matanan cu ta sirbi un funcion di mantene e tera na su luga. E tera cu e ora ta los ta drenta e systema di rooi y ta bay den e mangelnan cada bes cu awa yobe, causando un impacto negativo riba e sistema ecologico di e mangelnan.

Door di crea “silt traps” na e parti unda cu e rooi ta caba y area di mangel ta cuminsa ta preveni e ora cu sistema ecologico di mangel ta yena cu santo y asina e mangelnan por keda bibo. Den e proximo dianan trabou di restauracion tambe lo wordo haci na 𝐑𝐨𝐨𝐢 𝐓𝐚𝐤𝐢 y despues na 𝐑𝐨𝐨𝐢 𝐁𝐫𝐢𝐧𝐠𝐚𝐦𝐨𝐬𝐚.

Mangelnan ta un di e sistema ecologico nan di mas productivo y biologicamente diverso riba nos planeta, nan ta e prome liña di defensa pa comunidadnan cu ta biba cerca di costa y tambe ta catch sediment y filtra awa prome cu e yega e costa y e rif di coral. Pesey ta importante pa nos sigui restaura Aruba su sistema ecologico di mangel cu tin hopi balor hopi importance pa futuro generacionnan. Tuma nota cu e area unda cu tin cangreu ta biba lo no wordo coba pa asina segura cu nan ta proteha mientras cu e trabou aki ta tuma luga.