Addonsito Croes
E ta e creador di hitnan grandi manera “ay, esta dushi”, “mi rehen”, “tratami bon” di Tsunami cu Sashah Figueroa y tambe “mi mitad pa eternidad”, “gosadera”, “for di un distancia” y “yen di energia” di Edjean Semeleer entre otro. Un musico, amigo respeta y stima pa tur artista cu a traha cu ne. Despues cu nos amigo Ruben Trapenberg (dfm), cu tawata e MC principal di e conciertonan anual y clasico di “Scol di Musica Rufo Wever” a bay sosega, Chucho Hoek y Gina Werleman a confia ami pa carga e concierto enorme aki e ultimo 5 añanan. Tawata un honor inmenso di a fungi como e MC principal di e conciertonan di nivel Global di “Scol di musica Rufo Wever”. Danki, CHUCHO HOEK p’e invitacion, aprobacion, confiansa y cariño pa cu mi talento. E director cu profesionalmente sa con pa deal cu un MC, cu no ta acepta un programa of draaiboek slordig of pura pura hinca den otro. Den e programanan cu e tawata hinca den otro, cada studiante y maestro di musica tawata ricibi e atencion cu e merec’e.
Cu e articulo aki, mi ta desea famia henter, amigonan, tur artista, Scol di Musica Rufo Wever y tur cu a stim’e, hopi forsa. Den tur futuro concierto di Scol di Musica Rufo Wever, su recuerdo lo ta cu nos y tambe su cancionnan clasico produci den su bida, lo keda resona den bos di Aruba su artistanan clasico. Cu Chucho sosega trankil.
