Parlamento a reuni riba e situashon di CPR kaminda den raportnan diferente a bini bon kla ku dokumentonan relashoná ku CPR ta falsifika. Durante e reunion aki Frakshon di MAN a para ketu riba e echo ku ta inaseptabel ku den un proseso serio asina aki tipo kosnan aki ta tuma luga.
Pa Frakshon di MAN e echo ku den reunion di 11 i 16 yanüari 2023 a engaña Parlamento i pueblo di Kòrsou kaminda for di 28 òktober i 22 desèmber 2022 RdK tabata tin e rapòrtnan forensiko ku ta indiká ku e dokumentonan ta falsifiká.
Banda di esei te na e momentonan aki CPR i RdK ta hasiendo negoshi ku otro pa loke ta alamasenahe di produkto na Bullenbaai. For di propio eksponente di CPR ta indiká ku tin debe na RdK pa loke ta e kontrato di almasenahe. Esaki ta trese kune ku RdK komo kompania di pueblo no ta risibiendo entrada for di loke tin akordá.
Frakshon di MAN ta di opinion ku e RdK mester trese klaridat riba esaki i si esaki ta kuadra mester tuma akshon konkreto pa RdK risibi loke ta entradanan ku e tin derechi riba dje. Pa Frakshon di MAN i loke Lider Politiko a pone enfasis riba dje ta ku e proseso di refineria mester ta unu transparente i di forma integro. E loke a bira un bochincha mahos aki no mag ripiti mas.
Por mira kon ayera ketu bai Koalishon di MFK/PNP ta purba i tin e kurashi pa defende e henter e bochincha di dokumento falsifiká, kaminda instansia independiente forensiko akin a Kòrsou i Hulanda a mustra bon kla kon kier a purba pasa Gobièrnu, RdK i pueblo di Kòrsou un “fast ball”.
Klaridat pa Parlamento i pueblo ta importante. Lamentabel ta ku e reunion a keda yama despues di basta tempu ku a pidi esaki i awor pueblo mester warda despues di reseso di parlamento pa haña kontesta i klaridat.