Hòmber morto den laman na Curacao

Na Curacao Djadumingu ultimo  18 di yuni 2023 alrededor di 14.20′ or, Sentral di polis a dirigi un unidad pa Playa kanao, na unda un siudadano a nota un kurpa ta drif den laman i di kua su mannan i pianan tabata mará.

Na yegada di e unidat, el a topa un kurpa di kua su mannan i pianan bérdat tabata mará ku kabuya i u ya tabata duna tur indikashon ku no tabatin señal di vida, ya ku e tabata drif riba su barika. Tabata trata di un hende hòmber.

A pidi presencia di tantu brantwer komo personal di wardacosta, ya ku e kurpa tabata pegá na e barankanan na kosta.

Ku kabuya personal di brantwer a logra saka e kurpa for di den awa i tres’ é tera oa asina por a hasi investigashon.

Dòkter di polis a konstatá morto i riba òrdu di fiscal di Ministerio Público a konfiská e kurpa. Identidat di e viktima ainda no ta konosí i no ta ekskluí ku por ta trata aki di un kaso di asesinato.