Pastor Marcel Balootje: Nos tata celestial y todopoderoso, ta e ayudante di tur tata

Tur tata mester reconoce Dios den nan bida , den Su amor, den Su yudansa y Su Poder.

E labor di un tata no ta facil, ora e tata tuma e encargo cu Dios a dune na serio.

Pa cuminsa aunke hopi ta haci bofon awendia, no ta kere pasobra nan tabatin mal experiencia, of tambe pa orguyo y inmoralidad , den bista di Dios tata ta y ta keda e cabes di cas.

*Tur homber mester balora e muher cu pa medio di dje nan a bira tata. 

Ora cu un homber tuma e responsabilidad di tata. E ta cumpli cu e boluntad di Dios segun e palabra di Dios ta recorda nos den Genesis 1:26-27-28, e palabra di Dios ta sigi cu nos den Genesis 2:21-25, bisando con Dios a traha e muher for di e homber. 

Y con matrimonio entre homber y muher a wordo institui, pa Gloria di Dios.

Y awe ta fresco den nos memoria locual e palabra di Dios ta bisa:

* Esun cu haña un esposa ta haña algo bon, y ta ricibi fabor di Dios.( Proverrbionan 18:22). 

*** Un biaha Dios ta enfatisa cu den un matrimonio mester tin un muher fisicamente y ta esey ta locual Dios mes a establece, for di principio di mundo.

Pasobra un esposa mester ta un muher, pa e matrimonio ta completo den bista di Dios, no ta nos ta bisa pero e Palabra di Dios, ta demostra esey cu tu claridad y Dios ta bisa cu riba e matrimonio ey tin fabor di Dios, y unico cos cu Dios ta exigi ta cu e pareha biba den boluntad di Dios, y pa nan multiplica manera Dios ta bisa.

***** Un bendicion ta bay na tur muher cu a haci un homber bira tata. 

***** Pasobra un homber no por yama su mes tata, si e no a drumi cu un muher y asina un yiu a bini na mundo. 

*** Berdad no ta discrimina ningun hende, pero mentira y pica ta pone hende haña miedo y sconde y sinti nan mes insigur . ( Genesis 3:8-17).  

Riba e mundo aki Dios por exigi tur cos di nos, pasobra Dios ta creador di tur cos, y ta tempo pa tur hende su wowo habri y stop di laga satanas gaña nan, y arepenti for di tur pica y inmoralidad.

No ta existi un tata perfecto, tur tata mester somete nan mes na Dios, kere den Dios, y pone Dios na prome lugar den nan bida y asina ricibi bendicion di Dios, pa nan mes y nan Famia.

Tur tata tin e obligacion di cria nan yuinan, pasobra esey ta lo cual Dios ta demanda di tur tata, pasobra un tata cu no ta cria su yuinan ta pio cu un pagano.( 1 Timoteo 5:8). 

** Ta un gran berguensa ora un tata ta maltrata su esposa, y su famia, pasobra un persona asina ey no ta stima Dios, pasobra bo famia ta bo propio carni.

Mira ki un amor grandi e Tata a duna nos, cu nos por wordo yama yuinan di Dios, y esey nos ta. (1 Juan 3:1)

No sea gaña mi rumannan stima.Tur bon regalo y tur don perfecto ta bini di ariba, y ta baha bin for di e Tata di lusnan, serca kende no tin variacion ni sombra di cambio.( Santiago 1 :16-17).

Dios ta nos refugio y nos fortalesa, un pronto auxilio den tempo di angustia ( Salmo 46:1)

Tur tata mester di Dios, pasobra Dios tey pa tur tata, cu yama riba Su nomber.