Rubiella Toppenberg Trahado preventivo na FADA Tuma un “ME TIME” : Paso soledad, cansancio y stress ta cuminda pa depresion

Hopi biaha esunnan cu ta baha cu pension den e prome luna e ta masha dushi mes, pero despues di algun luna ta haya falta di trabao, aunke cu a traha hopi aña ta haya falta di e trabao tog. Den e proceso aki depresion ta hunga un rol hopi grandi pero na mes momento soledad ta hunga un rol tambe.

Soledad ta un problema di salud mental hopi grandi cu por pone cu personanan ta desaroya un depresion. Hopi biaha na momento cu un persona ta traha nan tin comunicacion y e persona ta ocupa cu hopi situacionnan cu ta pasa rond di dje, esaki sigur ta algo bon. Sinembargo na momento cu nan ta baha cu pension hopi biaha nan ta nan so na cas y e yiunan ta traha 8 ora y tampoco no ta tur ora e yiunan ta haya e chance pa core bishita mama of tata, pero sinembargo Rubiella Toppenberg trahado preventivo di FADA ta kere cu nos mester ta mas consciente debi cu soledad ta algo hopi cruel pa biba cu ne, y na mes momento e mes un soledad ey por bira depresion.

Segun Rubiella Toppenberg di FADA un persona cu ta baha cu pension hopi biaha na su cas e no tin ningun persona pa papia cu ne henter dia, si e tin un pareha nan ta comunica, pero si e no tin pareha e ta practicamente henter dia su so. FADA ta haya hopi bon cu tin personanan cu ta busca tipsnan di motivacion, FADA ta yuda nan pa mira mas leu y haya sa kico tur ta loke un persona cu pension lo por haci pa distrai su mente.

Sinembargo nos mester para un rato keto y realisa cu tempo pa bo mes ta hopi importante, nos ta mama, tata, trahadonan cu ta traha 8 ora largo y na momento cu yega cas ainda mester deal cu famia cual por bisa cu ta un 24 ora ta ocupa y ta na e momento cu ta drumi so e persona ta para keto.
Hopi biaha ta importante pa cada persona duna su mes un “ME TIME” pa para keto un rato pa asina sa con ta bay cu so mes. Kico ta loke mi ta sinti , si e dolor cu mi ta sinti siman pasa si ainda mi ta sinti esaki, conoce bo mes , conoce bo curpa, conoce loke cu ta di bo. Hopi biaha nos mes ta neglisha nos mes y pesey mes den un “ME TIME” por tuma un momento pa porta skirbi of corda tur e cosnan cu ta molestia bo y kico ta bay haci.

Sinembargo nos ta bendiciona na Aruba, Aruba ta un isla rondona di lama cu ta pornada, hopi di nos turistanan ta paga hopi placa pa bin e beachnan y tur loke cu nos tin y anos mes cu tine aki no ta haci uzo di dje pa nos mes un salud of un “ME TIME”. Tur esakinan ta luganan cu nos por bay pa no desaroya enfermedadnan mental. Loke ta trata soledad, cansancio y stress ta cuminda pa depresion.