Delegacion di Staten a bishita Arubahuis

Un delegacion di Staten di Aruba a haci un bishita na Arubahuis na final di e reunionnan di IPKO. Na Arubahuis e delegacion a wordo ricibi pa Minister Plenipotenciario mr. Ady Thijsen, director a.i. drs. Glenda Hernandez y personal di Arubahuis.

E delegacion a consisti di Presidente di Staten Edgard Vrolijk y parlamentarionan Shailiny Tromp-Lee, Marco Berlis, Ricky Hoek, Hendrik Tevreden, Rçond Santos do Nascimento y Micha Raymond.

Minister Thijsen a gradici e miembronan di Staten pa a acepta su invitacion pa bishita Arubahuis y asina por intercambia cu e personal riba e reunionnan di IPKO cu a tuma lugar e ultimo dianan na Den Haag entre e parlamentarionan di e cuater pais den Reino Hulandes.