Minister di husticia Rocco Tjon tabata na april na Hulanda unda cu a duna un presentacion y a elabora riba posibel prizon nobo pa Aruba. Minister Tjon ta duna di conoce cu e reunionnan a bay den bon ambiente cu minister di rechtbescherming Franc Weerwind di Hulanda.
Un di e problemanan cu a detecta ta “detentie problematiek” , esaki tin di haber cu no tin suficiente capacidad , dus no tin suficiente cel pa cera hende, pero di otro banda tambe e parti di infrastructural y e parti di cuido como pais ta obliga tambe di brinda na esunnan cu ta cay cera pa di e forma ey nan por reentegra y resocialisa na un manera exitoso.
Segun Minister di Husticia Rocco Tjon e reunionnan na Hulanda a bay sumamente exitoso y por bisa cu despues di un luna despues di e reunionnan cu a tuma luga na Hulanda , e minister Franc Weerwind mes cu full su delegacion a bin bishita Aruba tambe di un biahe di trabao cu nan tin entre e islanan den Caribe.
E mandatario a bin specialmente Aruba pa e haci bishita na KIA pa asina tin un bista su mes di e instituto coreccional KIA. Loke cu a keda palabra ta, cu pa prome di September di e aña aki mester percura pa e dossier di KIA mester ta up to date.
For di 2019 ex minister di husticia Andin Bikker a inicia e proceso aki caminda cu tabatin un Request for Expressions of Interest y tin un dossier riba mesa pero esaki mester wordo actualisa teniendo na cuenta entre otro cu tur e recomendacionnan cu ta di e CBT rapport.
Minister di husticia Rocco Tjon ta garantisa cu pa prome di september lo tin e dossier actualisa y pa por logra esaki lo haya asistencia di ministerio di minister Franc Weerwind y su profesional nan pa por percura di tin e dossier cla pa asina duna cuenta di e capacidad y di e partinan di infrastructural , pero tambe di cuido. Despues di e proceso ey lo mester tin un decision cu mester wordo tuma pa asina e proceso pa yega na e instituto coreccional nobo por inicia e ora.
1 comment
[…] Source link […]