Eksitoso di 20 Konferensia Annual di Liderasgo Femenino na Kòrsou: No por para un lider feminino

‘Determinashon, ke ta mihó i sa dikon abo ta den un posishon di liderasgo’.

Eseinan ta e afirmashonnan ku a keda bini dilanti durante di e di 20 Konferensia Annual di Liderasgo Femenino na Kòrsou den Avila Beach Hotel na Kòrsou.

E evento úniko aki a kuminsá ku palabranan i invokashon di Victoria Wild.

Presidente di Parlamentu di Kòrsou sra. Charetti America tabatin palabra di apertura.

El a bisa ku ‘lidernan femenino ku kura, i no ta kibrá mas, tin responsabilidat pa empoderá otronan i usa nan plataforma pa hasi esaki’.

Entrenadó prágmatiko i influensiadó pa produktividat Shamilla Williams, for di Aruba, a duna un splikashon kon hende muhé por usa nan siklo di menstruashon pa logra mas produktividat i kon usa sierto fecha spesífiko pa ta mas influensiadó i efisiente.

Dr. Anastacia Vanessa Lewis for di islanan di Bahamas, ta CEO di e organisashon pa empoderá hende muhé: ‘Woman Wife Entrepreneur Network’, un grupo global di hende muhé ku ta buska pa stimulá otro ku tutoría i ku un ret di kontakto finansiero.

Énfasis di su presentashon tabata kon hende muhé individualmente por ta mihó posibel, dor di konsientemente hasi uso di poder di resiprosidat. ‘No ta konsiente di ku no por tuma so sin duna, ta mina poder di hende muhé’.

Inisiadó i organisadó Reyna Joe a splika kon importante e konferensia aki ta pa kada hende muhé ambisioso, espesialmente esnan hasiendo un karera i tambe esnan ku ta wak bèk riba nan karera.

Masha kapasidat valioso ta bayendo pèrdí ora ku e hende muhé no tin stabilidat mental, emoshonal i/òf físiko pa ta produktivo.

Kreando mas konsiensia bou di hende muhé ketu bai ta un reto, tambe entre hende muh ku mester sa mihó.

E di 20 evento a kontinuá despues di e konferensia ku un evento di retiro di 3 dia kaminda ku partisipantenan a bai mas profundo den e tópiko di kon por ta un hende ku nada no por par’é.

Esaki a bira un enkuentro dinámiko i poderoso ku a inkluí kompartimentu di sabidoria, siñansa i oportunidat pa nètwèrk.

E deseo a keda ekspresá pa bini ku mas evento asina.

Gratitut ta bai na kada persona ku a hasi e di 20 Konferensia Annual di Liderasgo Femenino na Kòrsou atrobe un eksperensia balioso, ku sigur a resultá ku partisipantenan a haña sea hèrmènt èkstra òf nobo pa ta mihó na unda ku nan ta.

Kontribushon i sosten atrobe e aña aki di sùr Dr. Norma Angel MM, Dr. Justine Heyden, Jason Rafaël i MC Nelly Rosa a hasi ku por wak bèk riba éksito di e di 20 evento.

Pa mas informashon por bishitá riba facebook: About Female Leadership.