Minister di finansas Xiomara Maduro: Ta importante pa duna e ley BBO na Frontera espacio pa por custuma cu e sistema y por evalua den futuro un sistema di BTW

No ta gobierno a menciona cu lo bay introduci BTW na 2024, pero ta Raad van Advies a sugeri a sugeri e parti aki pa introduci na aña 2024 e BTW, pero na e momentonan aki cu Aruba a scoge pa bay na e sistema di BBO na frontera tin cu laga e sistema traha pa asina por introduci entre otro e formacion financiero cu tin mester pa por adapta e tarifanan di BTW.

Segun minister di finansas esey tabata un di e criticanan cu a bin dilanti cu a BTW su porcentahe tabata mucho halto y ta pesey mes ta importante pa laga e sistema aki traha pa por haci e adaptacion. Esaki ta pone cu dia prome di januari 2024 no lo introduci BTW na Aruba.

Minister di finansas Xiomara Maduro ta kere cu entre un pa dos aña mester por laga e sistema di BBO na frontera traha y esey lo ta un tempo suficiente pa tin un bon bista pa gobierno , departamento di impuesto y departamento di Aduana por mustra cu como departamento nan lo por bay deal cu e sistema di BTW cu lo bin den un futuro. E trabao y ni tempo no a bay perdi.

For di 2013 IMF ta conseha Aruba pa bay over na un sistema di BTW, na mes un momento gobierno a traha riba dje y na e momentonan aki ta sigui traha, aunke cu a haci un desviacion chikito, pero locual cu gobierno tin na e momentonan aki pa introduci ta un minica di locual BTW lo tan a momento cu lo e ta trahando.

Minister di finansas Xiomara Maduro ta kere ta importante pa duna e ley aki un espacio pa por custuma cu e sistema aki . Loke cu mester ta bon cla pa prome di januari 2024 e BTW no ta wordo introduci, pero pa prome di Juli 2023 ta cuminsa cu locual cu ta BBO na frontera y ta laga e sistema aki drey pa un of dos aña pa asina gobierno y e departamentonan cu ta DIMP y Aduana tin e espacio pa por custumbra cu e sistema pa despues haci e siguiente paso pa bay over na un manera mas eficiente na un BTW.