STEPS ta activo ainda, asina vocero di DVG Jurette Croes ta duna di conoce. Actualmente e grupo di personanan cu a subi caya pa haci e sondeo tin un averahe di 3200 persona cu a haci encuesta cu ne. Na prome instante DVG a premira cu lo cana na Juni, pero realmente mester di un poco mas tempo y ta rek esaki pa un luna mas y lo termina cu e encuesta pa fin di Juli 2023.
Te cu fin di Juli ciudadanonan por ricibi cualkier persona cu ta haciendo e encuesta aki pa DVG na nan porta di cas ainda pa asina ricibi e informacionnan necesario. E proyecto STEPS di DVG ta canando, pero loke cu ta un realidad cu e trabao no ta facil.
DVG ta pidi cooperacion di comunidad na momento cu e ciudadano apunta pa DVG yega na un cas y informa cu e ta di STEPS unda cu e ta uniforma y ta mustra su badge pa colabora cu e trahadonan aki , sea amabel y contribui cu DVG pa por logra haya e informacionnan pa por traha riba miho maneho nan di salud pa Aruba.
No tin ningun motibo pa trata e grupo di encuestadonan aki malo, nan trabao nan ta haci mescos cu tur otro persona cu ta haci nan trabao. Pa e motibo aki mes ta haci un suplica na comunidad pa contribui cu DVG pa por haya e informacion necesario pa por traha debidamente na e salud di nos comunidad.
Na final di e encuesta aki e meta ta pa haya informacion di kico ta biba den nos comunidad pa sa kico realmente ta nos custumbernan, kico ta e influencianan cu ta keda haci cu na Aruba ta mira aumenta drastico di cancer, presion halto , diabetes y obesidad.
Pa DVG ta hopi importante pa sa kico ta e factornan cu ta hungando un rol riba e malesanan aki pa asina DVG por traha miho plannan pa preveni e tipo di malesanan ya caba menciona. E suplica ta keda na comunidad pa contribui cu DVG na momento cu e encuestadonan ta yega na nan porta di nan cas. Ban duna man pa un miho Aruba di mayan.
1 comment
[…] Source link […]