Directora di departamento di impuesto Luenne Pieters den conferencia di prensa a elabora di nan parti como departamento di impuesto riba BBO na frontera. Segun Pieters ta e momento oportuno pa por brinda mas informacion na comunidad completo di Aruba. Tabatin diferente seccionnan cu diferente stakeholdersnan cu a participa na e dianan di informacion hunto cu departamento di impuesto y aduana pa duna informacion detaya di e parti tecnico dicon BBO na frontera lo bay funciona.
Desde 2017 ya caba Aruba conoce e sistema di BBO, ta un total di 15 aña caba Aruba ta trahando cu un sistema di BBO y e ta un sistema relativamente simpel y comulativo cu nos tur sa caba y e ta un di e desafionan den e sistema.
Sinembargo no tin yun sistema di impuesto indirecto cu ta fout of ta bon, pero e ta un escogencia cu e paisnan ta haci pa introduci un sistema di impuesto indirecto, y e tempo aya a scoge pa un sistema simpel manera esun cu nos conoce caba desde 2017.
BBO ta wordo cobra di e empresario y e empresario ta paga BBO,BAVP y BAZV riba e volumen di benta di producto y servicio di su negoshi, esaki ta trece cu ne un estimulo fiscal pa importa producto directamente di afo. Segun director di departamento di impuesto esaki ta algo cu comercio tambe a menciona na momento cu a subi e tasa nan di impuesto na 6% of di 4% , 5% na 6% ta mira cu a bin un estimulo fiscal cu netamente esaki ta algo cu ta duna un disturbio den nos economia.
E estimulo aki ta bira mas fuerte ora cu e tarifa di BBO,BAVP y BAZV ta bira mas halto y ta bin door di principalmente e aspectonan fiscal di e sistema aki. E sistema di BBO tin un caracter comulativo na momento cu tin mas cu un schakkel, ora cu e productonan ta keda transmiti pa yega na e consumidor ta cobra BBO, BAVP y BAZV na cada schakkel y incluso impuesto cobra na e schakkel anterior dus un sistema di TAX on TAX.
Segun director di departamento di impuesto Luenne Pieters finalmente e consumidor na Aruba a wordo confronta cu un producto cu ademas impuesto di importacion accijns, tin e acumulacion di BBO,BAVP y BAZV riba dje.
Kico ta loke cu e BBO na frontera ta bay trece cu ne ya caba departamento di impuesto a mira cu e motibo di importacion di producto mester ta primordialmente basa riba motibonan comercial y no riba estimulo fiscal manera cu ta actualmente. Esaki ta pone cu si ta dicidi di cumpra un producto riba Amazone online of mi ta cumpra e mes un producto cerca un comerciante local no mester tin un estimulo fiscal pa scoge pa importa e producto di afo.
Actualmente esaki ta e caso debi cu no tin un cobransa di BBO na frontera y esey kiermen cu e prijs di comercio local ta mucho mas halto y ta duna un estimulo fiscal pa bay cumpra e producto bo mes afo. E situacion aki ta algo cu comercio mes a señala cu ta un disturbio di e mercado. Pero pa elimina e estimulo fiscal aki pa importa productonan directamente di afo, ta deseabel pa cuminsa cobra e BBO,BAVP y BAZV riba importacion di producto entrante prome di juli 2023.
1 comment
[…] Source link […]