Tin diferente insinuacionnan pa loke ta trata famia y tata di prome minister Evelyn Wever Croes. Sinembargo un medaya tin dos banda y e realidad ta cu tata di prome minister Evelyn Wever Croes tin 81 aña y e ta cu pension y a stop di traha basta tempo caba. Prome Minister Evelyn Wever Croes ta duna di conoce cu a yega e momento pa esunnan cu no tin argumento stop di involucra hende drechi y recuri na tipo di informacionnan cu ta wordo saca.
Prome Minister Evelyn Wever Croes a aclaria nomber di buffete di abogado Croes,Wever, Ruiz , segun e mandatario Croes ta debi cu su tata Hendrik Croes a incorpora y a lanta e compania mas di 50 aña pasa, Wever ta na feliz memoria cu a lanta e compania aki hunto cu mi tata pero cu a fayece na 2007. E Wever cu tin na e oficina no ta wever di mi persona paso mi a casa hopi mas despues, pero e echo cu e fam Croes di mi tata ta nomber di e buffete esey no ta significa cu mi tata ta activo trahando na e buffete di abogado, tur hende sa y ta na altura cu mi tata no ta traha mas. Asina e mandatario a duna di conoce
E informacion cu ta wordo duna esey pa un motibo caba no ta corecto, segun prome minister Evelyn Wever Croes. E di dos motibo di un percepsion cu tin pa loke ta Hotel Secrets di e permiso di construccion cu ta wordo debati den corte na e momentonan aki ta di e bouwvergunning y e no a wordo duna door di mi persona.
E bouwvergunning no a keda duna bao di su persona, pero tampoco e no a keda duna na momento cu e tin e cartera di minister di infrastructura, pero e la keda duna bao di maneho di ex minister Otmar Oduber tabata minister di infrastructura , despues a bin Marisol Tromp y despues mi persona a tuma over, asina prome minister a indica.
Esaki ta hopi cla cu aki no por tin ningun percepsion di e similaridad di buffete Croes ,Wever & Ruiz cu e hotel Secrets. Pa loke ta trata e proyecto di Eagle LNG a splica suficiente biaha cu no tin conflicto di interes eynan, pero esunnan cu ta yena nan boca cu conflicto di interes lo mester haci e corperate covernance.
Segun Minister Evelyn Wever Croes corperate covernance ta bisa cu dentro di un cuadro kico si bo por haci y kico bo no por haci. Segun e mandatario tempo cu e tabata minister di energia a manda un carta pa e companianan cu ta resorta bao di energia, apesar como prome minister no por mete den nan decisionnan a manda un carta pa nan y a haci peticion na nan pa no haci uzo si servicionan di buffete Croes Wever Ruiz pa evita loke cu awe kier ilustra.
Segun Minister Wever Croes si WEB of ELMAR mester lease un auto gobierno di Aruba no por dicidi pa nan como compania unda nan lo mester lease nan auto, minister no por dicidi unda nan ta bay cumpra seguro y tampoco minister no por dicidi cua buffete di abogado nan ta escoge ect ect, pero hustamente esaki ta corperate covernance . Gobienro di gabinete wever croes II a traha e limitrofe dentro di cual gobierno tin cu keda afo. Esaki ta hustamente pa evita e discusionnan di conflicto di interes den un pais relativamente chikito na Aruba caminda e fam croes ta aparece masha hopi mes tur caminda y pa evita e discusionnan infantil a bin cu corperate covernance. Prome Minsiter Evelyn Wever Croes ta kere ta hopi importante pa nos tur para tras di e corperate covernance.
Segun e mandatario si mester wak mi fam cu ta Croes , ta haya esaki tambe den AVP cu ta Croes pero esaki no ta significa cu tin un croes un caminda cu e ta famia y ta dune privilegio. Sinembargo si mester mira e caso avestruz no tabatin fam croes den dje, pero eynan si hues a bisa hopi cla cu preferencia a wordo duna na amigonan y hasta a compronde cu Benny Sevinger mes a bisa “ta mi amigo e ta y mi ta supose di yuda mi amigo “ Esaki kiermen cu no ta necesariamente mester focus riba e fam croes cu oponentenan gusta haci , pero mester focus riba e echo y e echo no tin di haber cu e fam croes , pero e tin di haber di kico a pasa. Pa loke ta trata Eagle LNG no tabatin ningun metemento di parti di gobierno den esey y den hotel Secrets tampoco.
