Diabierna ultimo tabata un dia hopi special pa Xavier University School of Medicine Dr. Arun Kumar Dubey a hiba palabra y ta sumamente contento cu un cantidad grandi di studiante a termina nan estudio di dokter 2023 aki na Aruba. Segun Dr. Arun Kumar Dubey e no tabata facil , pero tampoco imposibel. Tur docente ta na altura di e reto cu cada un di e studiantenan tabatin pa logra y tur e esfuerso cu esaki a bin cu ne pa a logra na final haya un degree di Xavier University School of Medicine .
E satisfaccion ta grandi mirando di tur e retonan cu mester a confronta durante di tur e añanan como studiante. Pero awe por bisa cu e sentimento di alegria cu ta sinti awe ta e caminda y e paso pa e siguiente paso pa sigui padilanti como dokter. Un danki tambe na tur docente y e personal di Xavier University School of Medicine cu ta haci e bunita dia aki posibel pa e muchanan logra.
Director di klas 2023 Edwin Kaysy a hiba palabra y a papia riba relacion unda cu bida personal y bida profesional ta hunga un rol pa cada studiante. Sinembargo loke cu ta un realidad ta cu cada studiante cu a gradua ta para pa nan famia, tanto e studiante, docente y tambe amigonan pa asina e studiante por logra su meta. Awe por bisa cu nan tur t’ey pa celebra hunto cu e studiante cu a logra. Sinembargo mester bisa cu e lucha di tur e añanan ta hunto a logra y tur ta forma parti di e logro aki.
Sinembargo bida ta trece diferente relacionnan den nos bida, ken cu nos conoce y cu ta papia tur dia cu ne ta yuda nos tur pa sa kende nos ta y hasta tin ora ta recorda nos ken nos kier bira na momento cu nos kier crece. Awo un parti di bida di cada studiante a termina despues di a pasa asina tanto tempo hunto, pero cu cada un di nan lo bay un otro direccion pa nan futuro. Ta spera cu cada un di e graduadonan por sigui padilanti y sigui pa loke nan a lucha pe y haci e miho di nan mes den nan trabao diario como dokter. Cada un di nan ta bon prepara pa sigui padilanti