Mimi Dongen ta coordinador di Hospice Kas Flamboyan . Un cas bunita y cu un sfeer di trankilidad, pero kico realmente e cas aki ta atende cu ne ta casonan y situacionnan fuerte, pero na e mes un momento no mucho fuerte si acepta e bida y proposito cu a bin na mundo pe.
Mimi Dongen ta splica cu Hospice Kas Flamboyan ta specialmente pa personanan cu ta terminal (final di nan bida ) pa cualkier motibo. Dokter di cas mester indica esaki y na unda cu Hospice Kas Flamboyan lo tuma e pashent y atende cu ne te na su ultimo dianan.
Tur persona ta haya bon cuido unda cu profesionalnan boluntario cu ta bin yuda y ta rond di e pashentnan. Tambe tin boluntarionan di thuiszog cu ta bin atende cu medicina pero tambe baña e personanan. Ta trata di duna cada un di e personanan un dushi ambiente, amabel y tambe trankildad.
Actualmente Hospice Kas Flamboyan tin 4 camber y ta combersa hopi cu e pashentnan pa nan por acepta y bay mas trankil cu ta posibel. Tambe hopi biaha ta papia di bida y morto, aunke cu e topico aki no ta uno dushi pa papia di dje pero realmente desde cu nos nace nos sa cu un dia nos lo fayece. Segun coordinador di Hospice Kas Flamboyan tin momentonan cu e personanan tin ansha na momento cu nan sa cu nan ta bay fayece y nan ta haya ansha, pero na e mes un momento famianan tampoco no por acepta esaki.
Den e parti aki ta unda cu Hospice Kas Flamboyan su tarea ta pa papia cu e personanan y pa nan por acepta y con ta e miho manera di por cera nan wowonan mas trankil y pa e famia tambe acepta e parti ey. Tin casonan cu e pashent su mente ta bon bon pero e curpa si no ta duna mas, pero e profesionalnan na Hospice Kas Flamboyan ta yuda pa e pashent pasa den e proceso aki di e miho manera. Famia tambe ta hunga un rol unda cu nan lo mester acepta cu nan ser keri ta bay y cu nan lo mira e proceso cu poco poco e persona ta bay atras y con nan por atende cu e parti aki mentalmente y emocionalmente pa nan por tuma despedida di e persona mas miho y trankil cu ta posibel.
Den full e trayectorio di un persona cu ta drenta Hospice Kas Flamboyan e bishita ta hopi importante , tin casonan cu famia y conoshinan no ta bin bishitanan hopi mas y hopi ta bisa cu nan no kier mira un hende sufri, pero realmente un hende no ta sufri, pero un hende ta bay atras y esaki ta su destino.
Tur hende y famia ta bon bini pa comparti cu e pashent cu ta den su fase final sea ta pa bebe un coffie of thee, canta un cancion , hunga un wega di carta, haci oracion , of dies pa tey y tene su man, dune un sunchi of laga un regalo sea ta un flor of un toetje cu sa cu e gusta ainda.
Segun Mimi Dongen tur e partinan aki ta importante pa e pashent tambe ta mas trankil, pero loke ta mas importante den henter e proceso aki ta cu e atencion y e compania te na final ta e trankilidad cu e pashent ta bay tin tambe na momento cu lo e cera su wowonan.
Hopi di nos ta kere cu no laga e muchanan bin ta algo bon, sinembargo loke cu ta un realidad e mucha tambe mester por pasa den su proceso di rouw y ta importante pa nan tambe por bin pa nan sa cu morto tambe ta parti di bida. Na Hospice Kas Flamboyan ta laga tur nacionalidad drenta y pa nan tin un final trankil y alegre te dia nan cera nan wowo.
1 comment
[…] Source link […]