Bonerianonan a sali afo y manda un mensahe cla y raspa pa Hulanda

E lucha di James Finies desde cu a firma na 10-10-10 awe ta mira lus di dia, despues cu tanto tempo a pasa e protestanan cu James finis a haci na cuminsamento unda cu hopi hende ta yame pa loco y cu e ta luchando pa algo cu no tin mester, awe por mira e fruto di e lucha cu James Finis a bin ta canta pa varios aña y e pueblo Boneiriano mes no a tene cuenta cu ne.

Sinembargo James Finis a sigui su lucha y a cana su camindanan na Nacionnan Uni contra di Hulanda y awe por mira un biaha mas awo si e  Bonerianonan a dicidi di Sali masalmente pa manda un mensahe pa Hulanda. Nochi Williams e biaha hunto cu e sindicatonan na Boneiro a uni e pueblo Boneriano pa manda un mensahe bon cla pa Hulanda. Boneiro no por sigui asina y e salario minimo mester subi y e calidad di bida di Bonerianonan mester drecha.

E lucha ta sigui pa e discriminacion y desigualdad cu tin na Boneiro. Segun Nochi Williams pa 13 aña Boneiro ta bin ta lucha y awo ta basta. Boneiro ta pertenece na Hulanda y ta den constitucion y constitucion ta prohibi discriminacion riba  cualkier base y pesey mes Boneiro a bisa ta basta awo. Un Boneiru tin. E lucha pa salario minimo na Boneiro ta uno for di basta aña caba andando y no ta mira un solucion na caminda. Awo e pueblo Boneriano a bisa ta basta y tur e sindicatonan a para hunto cu e pueblo Boneriano y a manda e mensahe pa Hulanda cu mester bin un decision pa e salario minimo na Boneiro.