Wega di naturalesa online grátis
Dia 13 di mei 2023 Dutch Caribbean Nature Alliance (DCNA) a organisá su ‘Big Live Nature Quiz’ pa habitante na Aruba, Boneiru, Kòrsou, Saba, Sint Eustatius i Sint Maarten. En total 164 individual a partisipá na e kwes online, live i interaktivo akí. Despues di hopi ròndu di pregunta eksitante i yen di tenshon tokante naturalesa, un tim na Saba a gana un paseo riba boto di bela.
E ‘Big Live Nature Quiz’ ta un evento ku ta bini bèk tur aña, ku nos a krea pa na un manera dibertido i interaktivo eduká suidadanonan tokante naturalesa (konservashon di naturalesa), hasi nan orguyoso di nos naturalesa hulandes karibense, enkurashá práktikanan ku no ta forma un peso pa nos medio ambiente, sostené proyektonan di protekshon di naturalesa i konektá hendenan den henter Hulanda Karibense ku otro. E kwes ta un real esfuerso multi-insular di tim: kreá i sostené di parti di e seis islanan hulandes karibense, inkluso e organisashonnan di maneho di áreanan protehá ((Fundacion Parke Nacional Aruba,CARMABI Curaçao , Saba Conservation Foundation (SCF), Nature Foundation St. Maarten, St. Eustatius National Parks (STENAPA), spònsernan (lokal) i Dutch Caribbean TV.
Kwes live i interaktivo
Algun tim a hunga online for di kas i otronan a bai na un bar òf restorant designá, kaminda a transmití e kwes. Sitionan di transmishon tabata na Aruba: Battata Beach Bar, na Boneiru: Hillside Bar & Restaurant, na Kòrsou: Grand Cafe Mahaai na Saba: Chez Bubba Bistro, na Sint Eustatius: Ocean View Terrace, i na St. Maarten: Dinghy Dock Sailors Bar.
E kwes tabata online i live. Di e manera akí tur tim di e islanan hulandes karibense por a partisipá na mes momentu i komuniká ku otro i ku e anfitrion di e programa.
Tema: bestia i mata ku ta bou di menasa
E kwes tabatin en total 24 pregunta trivia sistema ‘multiple choice’. E kwes tabata na ingles, pero e preguntanan tabatin suptítulo na hulandes, papiamentu i papiamento tambe. E preguntanan tabata entre otro tokante espesienan manera turtuga, tribon i yuana.
Ganadónan
E promé lugá a bai pa “Not Even Once” na Saba. Nan ta haña un paseo riba barku di bela rònt di nan bunita isla. E di dos lugá a bai pa “Cuddlefishes” na Boneiru i e di tres lugá a bai pa “humuhumunukunukuapua” na Boneiru. E ganadónan pa kada isla ta pa Kòrsou “Beaujon ta on”, Aruba: “Walishali”. Pa Sint Maarten: “I pampani” i pa Sint Eustatius: “Bacon and Beans”. Nan lo risibí otro premionan lokal. Un kaluroso pabien na nan tur.
“Nos a pasa hopi prèt i nos a siña hopi tokante naturalesa. Tabata algu hopi ‘great’ pa tin tur e 6 islanan hulandes karibense huntu den un solo kwes.” Esaki tabata komentario di un partisipante na e Big Live Nature Quiz for di Boneiru.
No faya e siguiente Big Live Nature Quiz
Sigui DCNA su Facebook (Dutch Caribbean Nature Alliance), su Instragram (DCNAnature) òf http://www.biglivenaturequiz.org/. Pa mas informashon manda un email na research@DCNAnature.org.
Nos spònsernan
Ministerio di Agrikultura, Naturalesa i Kalidat di Kuminda (LNV) ta finansiá e Big Live Nature Quiz i Nationale Postcode Loterij ta sostené e aktividatnan di DCNA. E premionan lokal ta opsekio di “de Buren Curaçao”, “Concept Store by Sea & Sand-Curaçao, Oliva Restaurant Curaçao and “Restaurant Ginger Curaçao”i “Hillside Bonaire”.
1 comment
[…] Source link […]