Giancarlo Nunes Research and Conservation Manager di Fundacion Parke Nacional Aruba (FPNA) ta forma parti di e investigacion di mangroven nan na Aruba. E proyecto Turning the Tide project a cuminsa y e investigacion mangroven a tuma luga. E trabao di e proyecto aki ta pa 1 aña y ta consisti di dos parti e prome parti ta di e mangrovenan y e di dos parti ta trata di e coralnan di Aruba.
Sinembargo e parti di investigacion di e status di e mangroven nan ya caba a tuma luga y ta trahando pa mehora e sistema di e mangroven nan na Aruba. Loke ta un realidad ta cu si no actua awo y haci algo Aruba por perde un cantidad di mata di mangel. Na santo largo tin un parti grandi di e mata di mangroven cu a muri debi cu e sistema y calidad di awa a cambia. Esaki ta demostra cu si no tuma pasonan concreto awo, Aruba por perde mas matanan di mangroven rond di Aruba. E prome parti ta pa gara sediments for di tera y e di dos parti ta pa traha canal di awa pa por traha caminda pa awa fresco di lama por drenta e canal nan y yega na e matanan di mangroven.
E trabao cu mester keda ehecuta ta un trabao grandi, pa e motibo aki mes Fundacion Parke Nacional Aruba (FPNA) mester di ayudo di companianan local cu por yuda FPNA pa por coba den e sistemanan. Actualmente FPNA ta buscando companianan cu por yuda cu e proyecto. Companianan cu ta interesa semper bay por contact Fundacion Parke Nacional Aruba (FPNA) pa mas detaye riba e parti aki.
Tambe ta controlando e sistema con e ta na e momentonan aki pa asina na momento cu haci cambio na e sistema pa por mira con e sistema ta bay cambia. Pa e parti aki por pensa riba e calidad di awa, salo, flora y fauna cu ta presenta actualmente si esey tambe ta bay cambia unda cu lo mester controla si lo haya mas pisca den e sistema of menos pisca. Den e mes un parti aki lo bay midi e sangura banda di isla di oro. Si Fundacion Parke Nacional Aruba (FPNA) haya e companianan pa duna un man riba e proyecto aki e trabaonan lo cuminsa den luna di juni awo. Asina cu ricibi esaki lo cuminsa coba y e trabao fisico nan lo cuminsa. E prome fase cu por ripara ta na spaanslagoen y santo largo trabaonan lo cuminsa pa gara sediments cu ta bini for di tera pa no yega na e mangel pa e no choca e mangel y cu ta bay perde mas matanan di mangroven den futuro.
Actualmente e situacion di e mangroven nan na Aruba no ta bayendo bon nan mester di mas espacio pa crece pa nan por bira mas grandi cada biaha, pero na Aruba debi cu tin asina hopi construccion ta tumando luga y hopi area ta wordo uza pa e ser humano e area e mangroven nan ta crece den partinan chikito unda nan ta sinti nan save pero cu nan no por sigui crece y sali mane nan mester haci y consecuencia di esaki ta cu nan ta muri.
Un di e otro problemanan cu tin ta cu debi cu tin hopi rosamento y construccion ta tumando luga na Aruba y e perdida di nos matanan cu tin na Aruba tin hopi santo los na Aruba. Segun Research and Conservation Manager Giancarlo Nunes tin secura na Aruba y tin stof tur caminda esaki ta indica cu e naturalesa no ta saludabel, Aruba ta hopi seco y no tin hopi mata pa wanta e santo hunto mas y ta pone cu na momento cu awa yobe e awa y e santo ta drenta den e rooinan y via di e rooi e proceso ta drenta den e sistema unda e mangroven nan ta. Esaki ta pone cu e awa ta bay tin yen santo den dje cu ta bay cuminsa yena spaanslagoen , rooinan y nos por perde e awa saludabel den spaanslagoen, Aruba por perde e mangroven nan tambe. Segun Research and Conservacion Manager Giancarlo Nunes pa evita e parti aki ta cuminsa cu e proyecto pa gara e santo prome cu nan drenta e sistema di mangel y cuminsa choca nan. Cu e proceso aki Aruba por keda cu e sistema di mangroven nan saludabel pa nan sigui cu e funcion unda cu e piscanan di rif ta broei den mangel, pero parhanan tambe cu ta broei den e sistema di mangel. Ta importante pa Aruba tin e sistema di mangrovenan saludabel pa asina e piscanan y diferente bestianan di lama por sigui broei den e sistemanan di e mangrovennan. E proyecto aki ta wordo haci cu fondonan Europeo y ta haci posibel cu e investigacionnan y pasonan por wordo tuma.
1 comment
[…] Source link […]