Ta hopi puyito ta sali di e macuto cu tabata bou man tempo cu drs. Marisol Lopez Tromp tabata Minister. Un periodo masha chikito. A mustra un imagen di integridad cu awendia hopi hende tin nan duda den dje si mira tur e informacionnan cu ta sali na cla.
Awo ta resulta cu tempo cu e tabata na mando a keda cla un rapport riba e casnan di Colony, pero niun hende sa unda e rapport aki a keda , cu nunca a wordo haci public ra ra ra . E pregunta ta: Ken a sconde e rapport aki? E unico nombernan cu ta bini dilanti ta Haime Croes, director geschors di DIP y Parlamentario drs. Marisol Lopez Tromp.
E otro pregunta ta di con tur hende envolvi den e investigacion aki ta keto.
E siman aki a bira conoci cu Gobierno a dicidi di hala e director di DIP un banda, pa haci investigacion di cierto decision y maneho cu a tuma luga eyden. EA News por a compronde cu tin hopi spirito cu kier papia of basha abou. Pero atrobe e miedo pa represalia y persecucion politico, ta prefera di keda keto. Sinembargo e comentarionan ta wordo haci. Marisol Tromp ta hunga y cu su di mascada di ta integro y pa hokis spokis tur prueba supuestamente ta desaparece. Sinembargo por a compronde perdi nan no ta.
Di e informacion cu ta sali for di den DIP, por a compronde cu tin en total di tres minister cu a duna hendenan cas den Colony, cual a bay den man di Gobierno despues di cierre di e refineria. Pero esey no ta straño. Lo abnormal ta cu aparentemente e hendenan aki nunca a paga nada, ni pa e casnan. Pues no tabatin un debido traspaso. E pregunta ta si a paga belasting di tereno. Ta parce cu un grupo di hende a biba basta tempo gratis den e casnan, otronan a dicidi di drecha cas y huur esaki , disfrutando asina di un bon entrada y Gobierno mes no a haya nada di su banda.
Mirando e situacion ariba describi ta puntra con por ta posibel cu Gobierno y actual minister di Infrastructura te ainda no tin e rapport aki pa tuma e accionnan necesario. Ta imposibel pa pensa cu tin ambtenaarnan tras di esaki. Esta cu intencionalmente tin e rapport aki scondi. Con bin Gobierno y e Minister no a haci pregunta riba e tema aki ainda. Tur rapport mester pasa cierto departamentonan, y inclusive e permiso pa cuminsa un investigacion.
Pa hopi tempo caba tin problema na DIP. Ta momento pa haci un doorlichting cu ayudo di Hulanda, pa haci e investigacion aki mas independiente posibel. EA News por a compronde tambe cu tin mas cu un rapport y tur ta apunta riba e mesun tres personanan cu ta patrosinahe di e echo aki esta Marisol Tromp, Mike de Meza y Haime Croes. Pa con straño cu e ta zona , awe director di DIP a bay cas pa investigacion, pero pa añnan largo a sirbi ordo di e cabesante Marisol Tromp como varios aña minister di infrastructura e tempo ey.
