Sietske van der Wal ta Inter Marin Park Manager y Conservation Education manager di Parke Nacional Arikok tabata e persona cu a duna e splicacion di kico ta pasando cu e malesa di coral cu ta den region. Actualmente tin un malesa di ” 𝐒𝐭𝐨𝐧𝐲 𝐂𝐨𝐫𝐚𝐥 𝐓𝐢𝐬𝐬𝐮𝐞 𝐋𝐨𝐬𝐬 𝐃𝐢𝐬𝐞𝐚𝐬𝐞 (SCTLD) “ cu a cuminsa na 2014 na florida y e la cuminsa pasa den full e lama di region di Caribe y asina na Aruba tambe a cuminsa prepara pe.
Segun Sietske van der Wal tin indicacion cu tin varios coral den nos lama cu tin e males aki. Sinembargo ta bon pa enfatisa cu ta normal cu tin malesa den nos coralnan. Semper tin dos pa tres porciento di nos coralnan cu ta contene malesa, por categorisa mane un persona cu tin un griep aki aya, pero pa loke ta trata e malesa cu awor aki ta tratando cu ne , esta ” 𝐒𝐭𝐨𝐧𝐲 𝐂𝐨𝐫𝐚𝐥 𝐓𝐢𝐬𝐬𝐮𝐞 𝐋𝐨𝐬𝐬 𝐃𝐢𝐬𝐞𝐚𝐬𝐞” probablemente a yega Aruba y awo ta den e proceso pa confirma esaki hunto cu e expertonan di afo cu ta monitor e situacion aki.
E organisacion internacional lo yuda Aruba identifica e malesa ” 𝐒𝐭𝐨𝐧𝐲 𝐂𝐨𝐫𝐚𝐥 𝐓𝐢𝐬𝐬𝐮𝐞 𝐋𝐨𝐬𝐬 𝐃𝐢𝐬𝐞𝐚𝐬𝐞 na Aruba. Mester bisa tambe cu ya caba na Boneiro e la keda confirma, na Corsou e ta mustra sospechoso y Aruba e ta duna indicacion cu e la yega.
Segun Sietske van der Wal e malesa aki ta hopi contagioso entre e coralnan y e ta pasa hopi lihe entre coralnan. Loke mester ta bon cla tambe cu e no ta afecta hende, pero e ta afecta otro coralnan, ya caba tin 45 tipo di coral cu a keda documenta cu a keda afecta cu e malesa di ” 𝐒𝐭𝐨𝐧𝐲 𝐂𝐨𝐫𝐚𝐥 𝐓𝐢𝐬𝐬𝐮𝐞 𝐋𝐨𝐬𝐬 𝐃𝐢𝐬𝐞𝐚𝐬𝐞”.
Esaki ta significa cu full e rif di coral cu Aruba tin cu ta consisti di diferente tipo di coralnan por wordo afecta cu e malesa di ” 𝐒𝐭𝐨𝐧𝐲 𝐂𝐨𝐫𝐚𝐥 𝐓𝐢𝐬𝐬𝐮𝐞 𝐋𝐨𝐬𝐬 𝐃𝐢𝐬𝐞𝐚𝐬𝐞” y cu esaki full e bida marino y e eco sistema cu ta depende di dje y tambe e bunitesa cu nos como ser humano ta depende di dje pa nos placer y pa nos turismo pero principalmente pa nos fuente di bida nos cuminda.
Segun Sietske van der Wal un malesa asina grave cu por afecta full un rif di coral lo afecta nos como ser humano na final tambe. Nos como serhumano por minimalisa e efecto riba e coralnan, ta hopi importante pa ta na altura cu no ta solamente e malesa ta minimalisa e efecto riba e coralnan, pero tin hopi otro tipo di presion riba nos coralnan manera polucion, colal bliching, impacto humano y cada tipo di actividad por haci pa baha e stress for di e coralnan ta yuda nan di ta mas resiliente pa cu e malesnan di coral.
Banda di esaki manera nos tur a siña di COVID cu mester laba man constantemente y tin tur loke nos tin rond di nos limpi, mes un practica aki mester uza na momento cu bay den lama cerca di e coralnan. Sietske van der Wal ta kere cu ta hopi importante pa tur hende ta consciente cu nos como hende tambe por pase pa otro coralnan y ta importante pa decontamina nos materialnan y tin diferente solucionnan pa esaki porehempel 1% bleachsolution pone e ekiponan den dje pa 10 min y despues laganan seca den solo prome cu uzanan bek. Tambe e awa cu bleach ta importante pa no bente den awa di lama tampoco paso e no ta bon pa nos lama, por laga esaki para den solo pa e difectante no ta activo pa e ta menos impactante pa e bida maritimo.
Segun Sietske van der Wal tabata hopi bunita pa mira con e comunidad ta bini hunto y ta uni unda cu tur hende ta haya cu e situacion ta algo serio y cu tur hende ta na altura cu mester ta mas cauteloso y tambe mester mira con lo bay atende cu esaki y kico mas por keda haci pa preveni e malesa mas cu ta posibel.
