Dutch Caribbean Nature Alliance (DCNA) y su miembronan ta invita tur residente di Aruba, Boneiro, Corsou, Saba, Sint Eustatius y Sint Maarten pa participa na e Big Live Nature Quiz diasabra dia 13 di mei, di 6 or pa 7 or di anochi. Por haya mas informacion tocante e bunita naturalesa di Caribe Hulandes den e quiz gratis, online, bibo y interactivo aki. E quiz ta na Ingles, pero tambe e preguntanan lo tin subtitulo na Hulandes, Papiamentu y Papiamento. Bo por hunga desde un di e luganan cu ta participa of online via zoom. Bo por join bo so of bo por forma un ekipo cu un maximo di 4 amigo di tur edad. E premio grandi ta un biahe riba un barco di bela/snorkel. Participacion ta gratis, pero bo mester registra a traves di http://www.biglivenaturequiz.org/.
Big Live Nature Quiz ta un evento anual, crea pa educa e ciudadanonan tocante naturalesa (conservacion) na un manera divertido y interactivo, pa crea orguyo pa naturalesa den Caribe Hulandes, e ta fomenta practica ecologico, ta apoya proyecto di conservacion di naturalesa y ta conecta hopi hende den henter Caribe Hulandes. E quiz ta un berdadero esfuerso di ekipo di varios isla: crea y respalda pa e seis islanan di Caribe Hulandes, incluyendo e organisacionnan di maneho di area proteha (Fundacion Parke Nacional Aruba,CARMABI Curaçao , Saba Conservation Foundation (SCF), Nature Foundation St. Maarten, St. Eustatius National Parks (STENAPA)), e patrocinadonan (local) y Dutch Caribbean TV.Con pa participa
E participantenan por hunga online a traves di Zoom desde nan cas cu amigo y famia. Of nan por bay na un bar of restaurant designa (Aruba: Battata Beach Bar, Boneiro: Hillside Bar & Restaurant, Corsou: Grand Cafe MahaaI, Saba: Chez Bubba Bistro, Sint Eustatius: Ocean View Terrace, St. Maarten: Dinghy Dock Sailors Bar) na unda lo transmiti e quiz bibo. Pa mas informacion, mira http://www.biglivenaturequiz.org/
Reserva bo luga
E participacion ta gratis, pero e ekiponan mester wordo registra di antemano na http://www.biglivenaturequiz.org/. E personanan cu ta desea di participa na un luga di transmision bibo tambe mester reserva un luga na e luganan di participacion (wak ariba).
Tema: Bestia y mata den peliger di extincion
E quiz ta bay tin un total di 20 pregunta di escogencia multipel. E preguntanan ta bay ta tocante bestia y mata den peliger di extinsion riba tera y den lama, manera turtuga di lama, tiburon y yuwana. E quiz lo ta na Ingles, pero e preguntanan tambe lo tin subtitulo na Hulandes, Papiamentu y Papiamento.
No ta necesario pa prepara of studia di adelanta pa e quiz. Sinembargo, si bo ta desea di tin mas chance di gana, por consulta e paginanan di red social di DCNA: : Facebook (Dutch Caribbean Nature Alliance) y Instagram (DCNAnature). Den e rednan social di DCNA tin pregunta di prueba cu lo bin bek den e quiz.
Premio
E gran premio ta un biahe riba un barco di bela/snorkel pa e ekipo ganado. Tambe ta bay tin orto prema local disponibel.
Sigui e Big Live Nature Quiz
Bishita e Facebook di DCNA (Dutch Caribbean Nature Alliance), Instagram (DCNAnature) of http://www.biglivenaturequiz.org/. Para ricibi mas informacion, por manda un e-mail na research@DCNAnature.org.
E Big Live Nature Quiz ta generosamente financia pa Ministerio di Agricultura, Naturalesa y Calidad Alimentario (LNV) y e actividadnan di DCNA ta conta cu apoyo di Nationale Postcode Loterij.