E debe ta press riba cartera grandi y chikito di Aruba
Durante reunion publico ribaCosto di Bida, Minister Maduro di Finansa a splicanaplacachikitokico tur Mike Eman a haci tempo e tabataProme Minister di Aruba cu a crea e pobresacreciente cu awe ta wordosintina Aruba.
Minister Maduro a trece dilanti den su disertacion cu ora cu nostende Mike Eman papia di costo di bida, e ex-mandatario aki mester pone spiel su dilanti, pasobra e ta e autor di e pobresa. Locual nos pueblo ta bibando aden ta e resultado di e maneho devastador di Mike Eman, pesey Dios libra Aruba di wordo lidera bek pa Mike Eman, paso e luga aki lo bay perdi.
Mike Eman tabata sa bon cla kico lo ta e consecuencia di su maneho di fia y gasta placa pa loco. Mike a neglisha tur rapport di instancianan internacional y local manera Raad van Advies, Banco Central, Fitch, Standard & Poor’s, FondoMonetario Internacional, Rapport Mehran, etc cu a taha Mike pa cambia e rumbo di debe grandi cu e la hinca Aruba aden.
Mike Eman a redobla e debe di Aruba, a crea deficitnan nunca antes bisto cu a afecta e crecemento economico di nos Pais, segun palabranan expresa pa Presidente di Banco Central di Aruba naaña 2010. Tur esaki ta locual awo ta causando pobresa na Aruba. Ta e debe cu Mike Eman a traha ta locual ta presawo riba e cartera grandi di finansa publico di Aruba y e cartera chikito di e Pueblo.
Na man di e KB di 11 juli 2014 cu Mike Eman a haya di Hulanda pa mal gobernacion, Minister Maduro a splica cu Hulanda a interferi pa e situacion financiero di Aruba no bira pio. Mike Eman tecnicamente a hiba Aruba na bancarota.
Awe Pueblo mester paga pa e debe cu Mike Eman a traha. Den aña 2022, nos mester paga un suma di 253 miyon florin na interes. Si nos tuma nota cu pa aña tin 250 dia di trabou, esaki ta nifica cu cada dia nos Pueblo mester traha pa paga 1 miyon florin na interes pa e mal maneho di Mike Eman. Na momento cu Mike Eman ta drumi, cada homber y muhe trahador, ta traha pa paga un miyon florin pa dia cu ta 125 mil florin pa cada ora di trabou cu ta bay pa paga gastonan di interes pa Mike su debe. Mike Eman mes no a worry, e no ta ‘give a damn.’ Na unda cu gastonan di interes na aña 2008 tabata ainda un gasto di 100 miyon florin, awe na aña 2022 danki na Mike Eman, a subi cu mas di 100 miyon te na 253 miyon florin.
Minister Maduro a enfatisa cu Mike Eman a demostra cu e no por maneha nos pais. Mike no por a maneha su compania y den e dianan aki ta bisto cu Mike no por dirigi ni su partido. Na varios ocasion Mike Eman y a wordo taha cu e debenan cu e ta traha ta bay causa problema serio pa Pueblo, pero Mike Eman a biaha rond mundo, sin worry cu nada. Awe cu Mike Eman kier papia di costo di bida y pobresa na Aruba, Mike y Pueblo mester corda cu e pobresa na nos pais tin nomber y fam, Mike Eman. Ta e debe traha pa Mike Eman ta locual ta e origin di e pobresa creciente y esaki ta e realidad cu tur hende mester tin presente.