E konsehero di polítika di Infrastruktura i miembro di e tim di komunikashon di krísis Nicole Johnson huntu ku Harbor Master Travis Johnson for di 3 pa 6 di aprel a asistí na e 2023 National Hurricane Conference na New Orleans, LA, kaminda ekspertonan di reakshon riba kalamidat i preparashon a reuní pa diskutí e último desaroyonan den e tereno. Representantenan di Bonaire, St. Maarten, i Curaçao tambe tabata presente.
Durante e konferensia, e partisipantenan a partisipá na un exposicion ku e servisionan i produktonan mas nobo; a asistí na konferenshanan i workshopnan ku ta kubri un kantidat di tópiko inkluyendo pronóstiko, meteorologia, estrategianan pa mitigá inundashon, ola di tormenta, plannan di reakshon di emergensia, i uso di teknologia pa mehorá preparashon i reakshon riba kalamidatnan. “Participa na e conferencianan aki ta duna Saba y otro islanan e oportunidad pa amplia nan conocemento di orkan, construi rednan cu expertonan y otro islanan, y comparti nos problemanan local relaciona cu orkan”, Travis Johnson a bisa.
Pa Nicole Johnson i Travis Johnson, e konferensia a pone enfasis riba e importansia di plannan proaktivo i sistema di komunikashon robusto, pero tambe a proveé algun informashon i rekurso nobo, manera e Centro Nashonal di Orkannan ku a oumentá su cono di pronóstiko di 5 dia pa un cono di pronóstiko di 7 dia i a introdusí tipo nobo di buki di trabou i basis di dato ku ta disponibel pa yuda e tim di krísis riba Saba.
Expertonan na e conferencia a enfatisa e importancia di inverti den mehoracion di infraestructura y modernizacion pa mehora preparacion di comunidad pa resisti e impacto di huracannan grandi y otro desaster natural. E nocion aki a wordo enfatiza ainda durante e conferencia di USVI tocante e proceso di recuperacion despues di tormenta grandi manera Irma na 2017. “Mi a haña e ta masha interesante pa skucha e lekshonnan di USVI papia di infrastruktura di lugánan klave manera hòspital, skol, refugio i kon nan ta trata ku esaki, e rekonstrukshon, pero tambe kiko nan a hasi durante e tempu ei, i kon nan a traha ku nan gobièrnu nashonal ora di asistí”, Nicole Johnson a splika.
En general, e 2023 National Hurricane Conference a sirbi komo un plataforma invaluabel pa informashon aktual tokante preparashon i reakshon riba uragan i a proveé un foro ku ta un yabi pa sigurá e resiliensia di komunidatnan dilanti di kalamidatnan natural den futuro. “Nos tur ta den e bataya aki cu orkannan hunto”, Travis Johnson a comenta.