Pa motibu di un kurso di téknika di matamentu di bestia, matadero ta habrí den forma limitá for di 24 di aprel 2023 te ku 28 di aprel 2023 (será riba 27 di aprel pa motibu di Dia di Reino).
Ta konsehá hendenan ku ke laga mata nan karné i kabritu pa Dia di Rincon pa laga traha un sita promé ku dia 24 di aprel 2023. Por traha un sita via e siguiente numbernan di telefòn: +599 780 1830 òf +599 796 3110. Tene kuenta sí ku eventualmente por ta hopi drùk. Ta konsehá bo pa traha bo sita mas tempran posibel.
Ku reapertura di matadero na bista, empleadonan di matadero ta bai sigui kurso. E kurso akí ta pa den futuro por mata bestia mas mihó i mas seif. Esaki pasobra matamentu di bestia ta un proseso importante den e kadena di e bestianan te na konsumidó. Práktikamente tur kos den matadero ta drai rònt di bienestar di animal, higiena, siguridat di kuminda i kontròl di e bestianan i seguidamente di e karni.
Ta oumentá kapasidat na kaminda pa Dia di Rincon
Pa proveé den e demanda ku ta oumentando pa matamentu di kabritu i karné pa Dia di Rincon, den e periodo di 11 di aprel 2023 te ku 21 di aprel 2023 matadero lo oumentá e kapasidat diario di matamentu di bestia. Komo posibilidat èkstra por mata bestia riba djabièrnè 14 di aprel i djabièrnè 21 di aprel tambe.