Dia 11 di maart 2023 Silicon Valley Bank di Merca a crash y otro 3 banco mas a sigui. Tin bisa cu den 173 pais rond mundo banconan a faya pa cumpli cu nan obligacion. E situacion mundial no a cambia. Dia pa dia e petrodollar su balor ta cay. Paisnan manera Brasil, Russia, India, China y South Africa a funda e banco BRICS cu ta cumpli cu e standard di oro. Paisnan ta bandonando e dollar y ta aflia na BRICS. Zimbawe ta un pais africano cu su dollar tabata tin balor. Despues di a los for di e standard di oro a cuminsa print placa pa loco cu a resulta den un inflacion pa despues e placa a perde su balor. Mesun cos ta pasando cu e dollar Americano. Biyones di dollar Americano a wordo manda pa Ucraina y mesun cos Union Europeo a hasi. Mundialmente situacion ta birando pio. Tin bisa cu economia mundial lo desacelera cu 1.7% mundialmente den 2023.
Aki na Aruba nos por sinti cu costo di bida a aumenta considerabelmente. Turismo ta bayendo bon pero lastimamente cu gobierno no a bin cu ningun projecto pa yuda carga nos economia. Aruba su situacion financiero ta hopi fragil. Locual cu ta wordo recomenda ta pa spaar den oro y plata paso cu caida di economia mundial nos florin lo devalua mescos cu e dollar. Nos por a lesa cu minister di Economia a duna Elmar NV un ultimatum te cu dia 31 di maart pa 2023 pa 12’or di merdia pa duna un contesta riba bahamento di tarifa di electricidad. E minister di economia a laga sa cu e prijs di electricidad ta un peso riba lomba di pueblo y ta sigui relata cu e concessievoorwaarden (condicion di concesión) a caduca for di dia 1 di februari 2023 y no ta mira cu Elmar NV a baha e prijs riba electricidad. E minister a canta manera un guy chogogo pa despues haya un carta for di e director di Elmar NV cu e no por reduci e tarifa di electricidad paso lo pone Elmar NV den problema financiero. Nos por conclui cu e minister di economia y e minister di enegia den e gobierno aki no ta riba mesun linea. E minister di economia ta papia di tin un bon relacion cu e minister cu ta encarga cu WEB NV. pero parce cu realidad ta otro. E carta di e director di Elmar NV ta laga e minister di economia mustra malo y esaki ta demostra cu no tin unidad den gobierno. E minister di economia tabata mustra hopi rabia nos ta kere cu ela eherce su poder den coalicion y a logra. Partido mep a dobla y nos por a lesa cu lo bai evalua pa baha prijs di electricidad. AHATA a pidi pa habri buki y mustra e cuentanan annual di 2022. Gobierno a sinti e rosea cayente? Kiko tin di sconde?????
Nos ta kere cu e minister di economia a bay tras di e palabra di e minister di energia pero ela dale e un dax den wowo. Su collega minister mientras tanto ta di biahe rond di mundo. E minister aki a bay Merca despues ela bay Ecuador pa asina logra un miho deal pa e heavy fuel oil pero sin ningin resultado te dia di awe. Despues e minister aki ta bay Hulanda y ta bisa cu Gobierno di Aruba ta bay firma un MoU cu Hydrogen Valley di Hulanda. Awor e e minister di energia ta na Spaña. A core cu directornan di WEB NV pa logra firma cu Eagle LNG cu supuestamente lo ta un tremendo projecto pa Aruba. Pueblo di Aruba ta cansa di e minister di energia aki cu ta papia bunita y hopi pero sin hasi nada. Hopi scuma pero nada di choculati.
Mientras pueblo ta sufri gobierno ta biaha y ta fiesta. Tur siman tin biahamento. Si nos mira rond di nos nos por mira cu nos isla ta bayendo atras bao di e gobierno comunista aki. Ta papia hopi sin hasi nada. Nos ta kere di berdad cu gobierno comunista aki ta cumpliendo cu e lema di WEF esta pueblo lo no tin nada y pueblo lo ta feliz. Pueblo di Aruba laga nos sigui lucha y cu poder di Dios nos lo libra di e gobierno mas malo den historia di Aruba. E por tarda pero nan dia lo yega.
