PoliticaFeatured

Minister Glenbert Croes a reuni cu accìona energia Spaña

Min Glenbert Acciona 3

Minister Glenbert Croes y e delegacion di Aruba a reuni cu Acciona Energia. 

Acciona Energia ta un grupo global di desaroyo cu tin como punto di salida pa inverti den solucionnan sostenibel di energia nobo y renobabel pa un miho planeta.

Recientemente durante Minister Glenbert Croes su reunionnan na Hulanda cu Hydrogen Valley na Groningen, a keda palabra di lo encontra otro na Spaña unda lo reuni cu  e.o. Acciona Energia pa hunto concretisa Aruba Hydrogen Valley. Acciona Energia tin mas di 20 proyecto rond mundo, na diferente pais.

Durante su reunion cu Acciona, e mandatario Arubano a entrega na e CEO sr. Rafael Mateo, e plan di energia di Aruba y a presenta e vision di Hydrogen Valley Aruba. Tambe e mandatario a elabora riba e vision cu e tin pa e Refineria di Aruba, pa su desaroyo y restructuracion ta completamente a base di energia limpi y pa riba e propiedad di refineria destina un area pa entre otro Aruba Hydrogen Valley. 

E  delegacion di Aruba lo ta bishitando Mallorca den cuadro di e proyecto Aruba Hydrogen Valley. Mallorca ta e prome isla cu a transforma pa uzo di energia limpi y sostenibel, hidrogeno.

CEO Sr. Rafael Mateo a mustra su interes den Aruba y ta di opinion cu awo ta tempo pa logra posiciona Aruba den Caribe como e “showcase” di hidrogeno y energia renovabel. 

Minister Glenbert Croes a invita Acciona Energia pa bishita Aruba y den luna di april e delegacion di Acciona Energia a confirma e bishita importante aki.

Minister Glenbert Croes..Min Glenbert Acciona 5 Scaled

Related posts

𝐈𝐧𝐬𝐩𝐞𝐤𝐬𝐡𝐨𝐧 𝐤𝐚𝐧𝐝𝐞𝐥𝐚 𝐛𝐨𝐮 𝐝𝐢 𝐭𝐞𝐫𝐚 𝐧𝐚 𝐋𝐚𝐧𝐝𝐟𝐢𝐥𝐥

EA News Author

Un rèptil grandi awor den mondi di mangel, STINAPA ta vigilá moveshon pa tuma akshon

EA News Author

Parlamentario Marco Berlis (MEP) ta entrega un mocion pa sondea e posibilidad pa un waf pa crucero turistico na San Nicolaas

EA News Author

Leave a Comment

Whatsapp Message