Na 2022, mas ku 475 mil pasahero a bula pa i for di e aeropuertonan di Boneiru, Saba i Sint Eustatius. Esaki ta kasi 64 porshento mas ku na 2021 i 4 porshento mas ku na 2019. E kantidat di avion ku a bula di i pa e aeropuertonan aki tabata kasi 14 porshento mas haltu ku na 2021. Esaki CBS ta informá a base di sifranan nobo.
Den yüli i desèmber 2022 mayoria di pasahero a bula di i pa e tres aeropuertonan di Hulanda Karibense: 45 mil den ambos luna. Djasabra 19 di febrüari tabata e dia mas drùk. E dia ei 2,5 mil pasahero a pasa via e terminalnan di Flamingo Airport na Boneiru, F.D. Roosevelt Airport na Sint Eustatius òf Juancho E. Yrausquin Airport na Saba.
Mayoria pasahero ta bula for di i pa Boneiru
Na 2022 kasi 432 mil pasahero a baha na of a sali for di Flamingo Airport na Boneiru; esaki ta 91 porshento di tur pasahero na Hulanda Karibense. Pa e aeropuertonan di Sint Eustatius i Saba tabata respektivamente 5 i 4 por ciento. E pista di aterisahe di Flamingo Airport na Boneiru tin tres kilometer di largura, i esaki ta permití avionan mas grandi aterisá. E pistanan di aterisahe na Saba i Sint Eustatius ta mas kòrtiku, pues pa esaki ta bula ku avionnan mas chikí riba e islanan aki.
