Recientemente miembronan di Aruba One Happy Island Lions Club a reuni pa hunto cushina un lunch pa reparti pa famianan den necesidad y tambe pa persona nan ambulante den centro di Oranjestad y tambe San Nicolas.
Miembronan mes a haci tur preparacion adelanta y a cushina un menu consistiendo di fried rice cu Chicken cutsmall cu su berdura y acompaña pa un fruta y un botter di awa.
A wordo reparti un total di 50 lunch riba diasabra merdia.
Eventonan manera esaki ta wordo financia completamente door di fondonan di eventonan pa recauda fondo of donacion haci door di comunidad di Aruba.
Pa por sigui yuda comunidad di Aruba, Stichting Aruba One Happy Island Lions Club ta organisando un grandioso rifa pa dia 30 di april 2023.
Nos ta invita pueblo di Aruba pa sigui yuda nos, yuda comunidad di Aruba door du cumpra un rifa na balor di AWG 25,- serca un di e miembronan di Aruba One Happy Island Lions Club of Delta Aruba Leo Club.
Tur fondo ricibi ta bay completamente bek den comunidad di Aruba.
