Ayera 10 di maart tabata e prome parti di festival un canto pa Aruba su himno y bandera. For di 6 or di atardi e evento a cuminsa unda cu tabatin 16 cantante y 8 grupo musical cu a compaña e cantantenan riba e anochi aki, un anochi yena cu cultura unda cu nos muchanan a mustra nan amor y respet pa nan himno y banda.
Awe nochi 11 di maart lo tin e participacion di infantil y hubenil un biaha mas unda cu un total di 21 cantante lo participa y 11 grupo musical lo compaña e hobennan awe nochi, Manera e prome dia e bar y cushina lo ta bon surti unda cu tin cuminda y snack crioyo, pero alabes tambe por a haya artesania di nos artistanan local pa cumpra.
Pa dia 12 di maart esunnan cu participa ta di categoria adulto unda cu tin un cantidad di 22 cantante y 12 grupo musical cu participa riba e anochi di adulto cu tambe ta comprometi di ta un evento grandi pa e adultonan. E programa ta termina prome cu 12 or di anochi.
Henter e evento aki a keda organisa pa dos comision , un di nan ta fundacion Harry Croes hunto cu su yiu Jessica y Comision celebracion di dia Nacional. Tambe tin otro patrocinadonan cu a traha hunto cu e dos fundacionnan principal, esta ministerio di cultura, UNOCA comision celebracion di dia nacional hunto cu diferente parteranan cu a yuda durante tur e dianan aki cu ta dia di celebracion di dia di himno y bandera na Aruba.
