Elvis Tjin Asjoe komo presidente nobo di direktiva di partido
Ku nombramentu di Hennyson Thielman esaki komo lider polítiko nobo di e partido, MPB ta kumpli ku e deseo di e habitantenan di e isla pa krea lidernan nobo i tambe krea un forma nobo di liderazgo. Manera Elvis Tjin-Asjoe a menshoná durante su anterior temporada den funshon komo diputado: “Tin nesesidat di un generashon nobo di polítiko, ku lidernan ku ta krea inspirashon i ku for di un ambiente di gobièrnu stabil, ta duna direkshon na un desaroyo duradero di Boneiru kaminda naturalesa i kultura ta keda respetá i kaminda progreso i bienestar ta repartí hustamente. Esaki mester tuma lugá ku sosten di i ku sosten di un aparato públiko ku ta funshoná adekuadamente, den koperashon ku e ministerionan.”
E liderazgo nobo ta importante pa Boneiru pa sigui di ahustá na e deseo di e habitantenan di e isla. Un bientu fresku, un otro bista i e oportunidat pa sigui krese denter di e partido polítiko. Ku esaki MPB ta demonstrá ku ta skucha i ku e hende ta haña e oportunidat pa desaroyá su mes. Hennyson a krese durante e añanan ku a pasa den su ròl komo diputado. Durante e último simannan e por a posishoná su mes komo un lider natural ademas un persona ku ta krea brùg pa progreso. E último paso ta tambe pa instalá Hennyson kompletamente den su papel di lider.
Hasi loke nos ta proklamá, esaki ta loke nos di MPB ta bisa semper. Loke nos ta bisa, nos ta hasi. Loke nos ta hasi, nos ta bisa. Krea lidernan ta bira solamente posibel, si bo duna nan e oportunidat pa krese i pa despues yena e espasio di funshon komo lider. E paso tumá pa apuntá Hennyson komo lider, ta sali tambe for di e loke nos a primintí nos votadónan na fundamentu di MPB na 2013, despues ku a hasi un sondeo. Esaki ta un forma nobo pa hasi polítika, keda krea oportunidatnan nobo pa desaroyo bira posibel.
Nos, komo partido, pero tambe komo hende i siudadano, ta mira ku ta tempu pa Hennyson sigui desaroyá su mes kompletamente. Nos ta deseá Hennyson pues tur klase di éksito, sabiduria i – ademas tambe loke ta importante – satisfakshon di trabou den su funshon nobo.
Ademas a nombra Elvis Tjin Asjoe entrante inmediato komo presidente di MPB pa for di e funshon akí sigui guia e partido.
