Bo a keda afecta y a cai den problema causa pa ‘kinderopvangtoeslag’? E ora, banda di compensacion financiero di ‘Uitvoeringsorganisatie Herstel Toeslagen’ (UHT) bo tin derecho riba yudansa amplio den bo recuperacion. Na Hulanda, gemeente por yuda den esaki, pero si bo no ta biba na Hulanda esaki ta bay otro. Abo y bo famia por ricibi ayudo di OTB. E yudansa aki ta keda regla localmente, pues tambe na Aruba, y no ta trece ningun gasto cun’e.
Como victima na Aruba bo por acudi serca OTB cu tur bo preguntanan. Por ehempel pregunta tocante bo famia, salud, finanzas, trabou & entrada of vivienda. Miembronan di bo famia tambe por ricibi ayudo riba e terenonan aki.
CON NOS TA SOSTENE BO?
E ‘Uitvoeringsorganisatie Herstel Toeslagen (UHT) ta determina si OTB por ofrece e yudansa na abo y bo famia. UHT ta analysa si abo como victima ta yega na remarke. Bo ta yega na remarke como victima? Y bo a muda prome cu 7 di juli 2020 for di Hulanda? E ora UHT siguientemente lo pidi bo permiso pa comparti bo informacion di contacto cu OTB y bo por ricibi yudansa amplio di OTB. OTB lo tuma contacto cu bo na momento cu nan ricibi bo informacion di contacto.
Durante e prome contacto OTB lo haci pregunta tocante bo situacion y bo tin e oportunidad pa haci pregunta tocante OTB. Siguientemente bo lo ricibi un persona encarga cu bo caso, e persona aki ta bira bo persona di contacto vast. Hunto cu OTB bo ta traha un afspraak pa determina bo necesidad di yudansa. Despues e ‘casemanager’ lo combersa cu bo tocante ki tipo di yudansa ta pas exactamente cu bo necesidad pa cu bo famia, salud, finanzas, trabou & entrada y vivienda. Esaki ta keda fiha den un plan di accion. Asina hunto cu bo casemanager boso ta yega na accionnan.
SESION DI INFORMACION NA ARUBA?
Bo tin pregunta of bo kier mas informacion, bin na e mainta di informacion riba dialuna 13 di februari entre 08.00 te cu 13.00, na The Meetingroom, Dakota Shopping Paradise Unit 16, Dakota.