Dialuna den careda di 5’or patruyanan di Santa Cruz a bay cu urgencia un compleho di apartamento na Roncado. Eynan un homber lo a maltrata un dama cu algo skerpi y e muhe lo tabata sangrando.
Dos patruya y e transportwagen a yega e adres.Pafo un bisiña tawata warda e polisnan pa mustranan unda nan mester ta. Polisnan a core drenta y bay unda e problema lo ta.
Ey nan a bin compronde cu e homber a bandona e sitio prome polis yega.
Ambulance tambe ya tawata yegando.Storia a cambia
E version di locual a sosode a cambia completamente, momento cu e dama a bisa polis cu ta e mes a corta su curpa y cu e homber no tin nada di haber cu su corta.
Por a mira e dama cana cana subi e ambulance y por a mira sanger ariba su paña. E herida tabata na su man drechi y esaki tabata tapa cu un paña. No a keda agentenan nada otro cu tuma dato di locual a pasa y bandona e sitio. Ambulance a sali direccion Hospital cu e dama pa e corta cu su mes a haci.
