No tin hende rico, pober, of cu tin poder cu bida no por hiba na rudia, pasobra hopi biaha orguyo y arogancia,mal amistad ta hala nos for di Dios,y nos no ta pone Dios na prome lugar pasobra cosnan di mundo a tuma e lugar e di Dios.
E momento ey nos kier haci oracion , pasobra e necesidad den nos bida ta grandi , y tambe nos lo reconoce cu no tin ningun hende, ni nada den mundo cu por reemplasa Dios.
Den Salmo 121:5 David ta bisa: Señor ta bo wardado, Señor ta bo sombra na bo man drechi.
Señor ta mas serca bo cu bo ta kere , ora bo ta busca Señor E lo ta den bo sombra.Pesey ora bo wordo libra di accidente, di trampa di e enemigo, hasta di hendenan falso, ta un señal cu no ta asunto di suerte, pero bo tin di reconoce Dios, cu ta e man di Dios a libra bo.
Den Salmo 91:1+2 ta para scirbi pa tur hende por alcansa lo siguiente:
Esun cu ta biba bao di e proteccion di e Haltisimo, lo permanece den e sombra di e Todopoderoso.
Lo mi bisa Señor’’Mi refugio y mi forti, mi Dios den kende mi ta confia.
Tur puitu cu mester di proteccion di mama galiña ta consiente cu nan mester ta bao di su hala, pasobra bao di e hala tin proteccion, pesey e mama ta yama nan y hasta pieknan duru ora nan no kier tende pa bini bao di su hala.
Mescos nos tambe ta yega na proteccion di Dios pa medio di su Yiu Cristo Hesus, Pesey E a manda su Palabra pa hala nos atencion..
Dios ta mustra cu su proteccion ta necesario, y ora nos haci oracion, Dios ta scucha, y e ta manda Su ayudo pa nos bida , cas y famia.Esun cu ta biba bao di e proteccion di e altisimo, biba ta nifica bo tey tur ora, tur momento di dia bo tin comunicacion, Señor su nomber y su presencia ta bo adres, E ora ey bo por bisa na bos halto E ta mi refugio y mi Forti.
E ta tur cos pa mi, pasobra E ta mas grandi cu mi potmonni, mas grandi cu mi auto, mas grandi cu mi cas, E ta doño di tur cos, E ta esun cu ta mantene mi matrimonio y mi famia.
Y den Salmo 91: 9+10 E palabra ta siña nos asina aki: Pasobra bo a haci Señor. Kende ta mi refugio, e Haltisimo bo luga di biba, nada malo lo no pasa cu bo y ningun plaga lo yega serca di bo tent. Pasobra E lo duna Su angelnan encargo tocante di bo, pa wardabo den tur bo camindanan.
Laga tur esnan cu ta sufri di stress, depresion y soledad, cual ta tres mal spirito cu e enemigo ta ataka hende cu ne, sabi di awe en adelante cu aunke bo ta sinti bo mes bandona y cu ningun hende no ta worry cu bo , busca Dios .
Haci oracion na Dios, pasobra E lo duna su angelnan encargo tocante di bo, pa wardabo den tur bo camindanan.
Pasobra den mundo , bo por wordo mal sirbi, ora bo ta spera danki, y bo a ricibi rechaso, pero serca Dios bo ta wordo carga pa bo pia no dal contra piedra.
Si awe bo lesa of scucha Su palabra no haci bo curason duro, tene bon na cuenta cu si bo arepenti, Dios ta fiel y husto di pordona, no ta importa ken bo ta. ( 1Juan 1:9).