Despues di desmantelacion di e tanki bieu
Na november 2022 WEB a inicia desmantelacion di tanki di awa di Alto Vista. E desmantelacion tawata exitoso y awor ta sigui cu e fase di preparacion di construccion di e tanki nobo. E trabou di preparacion ta tuma lugar durante e periodo di 6 di februari y fin di april 2023. E trabou ta encera cobamento di e tereno y prepara esaki pa pone fundeshi di e tanki nobo. E trabounan lo tuma lugar 6 dia pa siman entre 7:00 AM y 6:00 PM.
Habitantenan den vesindario lo por nota trafico di ekipo pisa den e area. Tambe ta existi e posibilidad di disturbio di ruido. Pa limita e molester di stof, lo percura pa tene e tereno muha cu regularidad. Di antemano WEB ta pidi disculpa y ta spera di por conta cu comprension di habitantenan.
En caso di pregunta of cu ta nota algo straño den e area, por tuma contacto cu WEB su Call Center na tel. 280-4600, of por manda un WhatsApp, pa WEB Aruba Chat na 525-4600.
E proyecto di Tanki Alto Vista ta forma parti di WEB su proyecto ‘Upgrade Aruba Water Distribution Network’; un proyecto grandi cu ta encera renobacion di tankinan, pomp y tuberia rond nos isla, pero tambe den planta di WEB.
