Den un forma hopi rapido Tata a dicidi di tuma Melvin Tromp, politico di AVP, den su Reino. Na momento cu e noticia aki a drenta, hopi hende a keda den shock pa motibo cu nan no tabata sa mes cu e ta malo.
Melvin mes no tabata sa tampoco. Na final di aña pasa e tabata confronta cu dolor continuo den su lomba. Na momento cu el a tende di diferente persona den su circulo cu ta pasando den mesun situacion cu ne, el a spanta y a dicidi di bay dokter na Colombia, cu a confirma su problema di salud. El a dicidi bolbe Aruba. Pero e situacion a empeora cu practicamente e no por a cana mas. Algun dia atras el a bolbe bay Colombia y a haya e noticia devastador.
Melvin ta conoci como un politico cu no tin miedo pa bisa nada. Den Parlamento e tabata esun di AVP cu ta trece tur e paña sushi di su contrincantenan dilanti. Semper un homber elegante bisti y di pueblo. Despues cu el a sali di Parlamento, e mester a bay bek CEA, unda e tabata labora antes.
E tin tres yiu, Na famia di Melvin ta bay palabra di condolencia.
