Na Magazina di Rei tabatin diferente seccionnan cu a tuma luga, e di dos parti tabata unda cu a presenta e famia real un forno di pan original cu ta keda uza pa traha pan tradicional di Boneiro, pa e pueblo di Rincon y Boneiro engeneral. E receta di Pan aki ta di generacion pa generacion pa generacion y te awe ta produci e pan cayente aki na Boneiro.
Tanto Reina Maxima y Rey Alexander a haci diferente pregunta, pero tambe Prinses Amalia tabata hopi interesa y a haci diferente pregunta. Prinses Amalia tabatin e honor di a pone e siguiente pannan keinta den forno.
Despues nan por a purba e dushi pan cayente con e ta smaak cu ta traha netamente aki na Boneiro. Prome cu nan a sali di e seccion ey prinses Amalia tabata hopi pega y hopi orguyoso di e hobennan cu a sigui e tradicion di famia aki y hasta a papia cu nan un rato pero tambe a brasanan y saca nan potret. Aki ta caminda cu ta mira e carisma cu Prinses Amalia a bin cu ne y e la demostra tambe na e Pubelo di Boneiro. Di e manera aki e ta mustra cu e ta sintie na cas.
