Chauffer deteni despues di a bolter cu su Suzuki Jimny cu a para bek riba su 4 wielnan. Diasabra atardi den careda di 5’or polis a bay pariba di rotonde di ex Marathon, pa un auto cu a bolter. Polisnan a bin topa cu un Suzuki Jimny color blanco.
Den e prome minuut nan cu polis a yega mesora a pidi pa transport wagen debi cu e chauffeur tabata burachi.
Na e sitio por a tende cu e auto tabata bayendo direccion pariba y pa un of otro motibo a dal contra e pionan pazuid di caminda pa despues bolter.
For di informacion no oficial na e sitio hende tabata papia cu e chauffeur kier a bandona e sitio, pues e auto a bolter y cay bek ariba su wielnan.E la keda deteni y transporta pa warda di polis. Aparentemente e chauffer tabata di rumba mirando cu tabata su cumpleaños.
