Diasabra merdia algo prome cu 1’or polis un biaha mas a bay e adres den Madiki Kavel, unda algun dia atras un señora(60) Haitiano a wordo maltrata door di su pareha un biaha mas despues di a maltrata e señora prome biaha caba debi cu e señora no a dune su placa.
Diasabra merdia no tabata diferente, e homber atrobe aunke e la haya den problema caba, ta bolbe matrata/menasa e señora ainda cu e herida fresco na cara cu machete.
Pues biaha pasa tambe e lo a menasa e señora cu machete tambe, e biaha aki atrobe mustrando cu biaha pasa e machete lo no a wordo haya/confisca.
Na yegada di polis ya e homber a bandona e sitio prome cu polis yega. E la subi su Yaris shinishi y move.Un biaha mas e señora a haci denuncia contra e homber, pues ta di spera cu na momento polisnan topa cu ne lo atende cu e homber man duro.
Unda tur e fundacionnan ta na e momentonan aki pa atende cu un asunto basta serio cu ta pasado. Esaki ta un situacion cu ta na luz di dia , pero tur dia na Aruba tin casonan asina aki di homber nan sinberguensa ta keda maltrata hende muhe. Esaki ta fisicamente, pero mentalmente tambe tin homber ta haci daño na hende muhe. Tur ora nos ta papia cu tin luganan y fundacionnan y hasta polisnan ta actua man duro na momento cu tin maltrato, semper e excuus ta cu e hende muhe no ta duna keho, sinembargo esaki ta di dos biaha caba cu e sra di 60 aña ta haci su keho na un homber sinberguensa cu ta keda maltrate. Kico mas nos ta warda pa actua?
