Den Juan 3:16 Dios a stima mundo asina tanto, cu E a duna su Yiu unigenito, pa ken cu kere den dj’E no bay perdi , ma tin bida eterno.
Dios ta husto y fiel e no kier pa ningun hende bay perdi y ta duna tur hende e oportunidad igual pa scohe pasobra Dios sa cu e mihor caminda ta serca Dios mes.
Esnan cu ta stima e berdad ta scohe pa Dios, y esnan cu no ta stima lus ta scohe pa keda den scuridad.
Awor riba e mundu aki nos tur mester arepenti, pa wordo libra for di pica, pasobra nos tur ta bini for di e naturalesa di pica, door di Adam.
Ora nos arepenti y acepta Cristo Hesus como nos Señor y Salbador , nos tin bida nobo den Cristo Hesus tur cos bieuw a pasa y a wordo haci nobo.
Pero si nos sigi persisti den pica conociendo e berdad, nos ta cay bao di juicio di Dios, e ta mescos cu un hende cu conoce tur regla di trafico pero toch ta corre auto burachi, lo causa cu e ora ey husticia ta atende cune.
Awor ora un hende keda pega den su capricho, duresa di curason y maldad, tur locual ta palabra di Dios ta bira juicio y discriminacion pe , pasobra e spirito cu ta obra riba su bida, ta pone sinti su mes culpable y herida ora e scucha of lesa e palabra di Dios.
E ta bira manera un mucha rebelde cu ta bisa na cas ta laf pesey e ta riba caya, pero locual ta pasa ta cu na cas tin coreccion y disiplina. (2Timoteo 3:16-17).
Pasobra sentencia contra un hecho di maldad, no ta wordo ehecuta lihe, pesey curason di e yuinan di hende, den nan ta completamete dispuesto pa haci maldad.( Eclesiastes 8:11).
No gaña boso mes , Dios no ta laga haci bofon di dj”E, pasobra tur loke un hende sembra esaki tambe e lo cosecha.( Galationan 6:7).
Nos ta purba di tur forma pa convence y haci lo maximo, pa evita tur sorto di division, trauma y dolor den famia y mas depresion di cual ta existi caba.
Ora e evangelio di Dios wordo predica nos tin cu compronde cu Dios ta papia y esey ta motibo , pa nos arepenti, cambia bida y asina alcansa salbacion.
Si e palabra di Dios yega na bida di hende y e hende ta bisa pa no husgami, ni tampoco discriminami, ta pasobra e hende sa masha bon , cu e bida cu e ta biba no ta den boluntad di Dios, y e no kier sali for di bagamunderia di scuridad y asina agrada Dios.
Ningun hende traha den e imagen y semehansa di Dios no por wordo discrimina cu e palabra di Dios, pasobra Dios no tin distincion di persona ,y e palabra mes ta haci nos liber.
E mentira di diabel a avansa asina tanto den mundo, cu hende kier haci tur manera, pa no obedece e palabra di Dios, y haci locual cu nan kier cu nan bida, y asina acepta maldad y rechasa bondad di Dios.
Ken cu bay mucho lew, y no ta permanece den e siñansa di Cristo, no tin Dios, esun cu ta permanece den e siñansa, esey tin tanto e Tata como e yiu. ( 2 Juan 1:9).
Boso anto stimanan, sabiendo esaki di antemano, tene cuidao,pa boso no wordo lastra, hiba pa medio di error di hombernan malbado y boso cay for di boso firmesa. ( 2 Pedro 3:17).